متزوج وافكر بالثانيه ! متزوج وابغى الثانيه بس خايف ابي شوركم !

Question

متزوج ولي بيت وابناء وجاء لي سكن تبع العمل وفكرة ان اتزوج ثانيه واحطها فيه لكن خايف من المصاريف لان راتبي دوب يغطي على زوجتي وابنائي والمدارس واحيان اقول الرزق على الله اغامر واتوكل ابي نصيحتكم

Answer 1

سبحان الله الفسقان عايش بخير و نعمه و مرتاح همه شلون يستانس مع اهله يدور الوقت معاهم و يحس انه دايم مقصر
و الطفران لو جاله ريالين زياده على راتبه قال والله شكلي بتزوج
و المشكله مو في هذا كله المصيبه انه يلاقي له وحده ترضى على عيبه

Answer 2

دززز يالذيب شكل ونوع ومتع نفسك واذا انزنقت تخلص من وحده منهم

Answer 3

انصحك تتوكل على الله ..

وتأجر البيت اللي طلعلك .. وتوسع على زوجتك وعيالك .. وترفهم  وتسفرهم
وأذا احد منهم يحتاج تساعده يدخل
دورات تطويريه .. أكيد عندهم متطلبات
كثيره بس مرااااعين وضعك المادي

Answer 4

طيع شوري ي أخوي
وهي اصلا لمصلحتك إذا يالله تسد الأولى مصارفيك لا تتزوج لأن الخوف من العدل
وتزيد الهم هم
ضبط امورك  مع الأولى
ماهو شرط تتزوج الثانية
يعني تشتري عطر لها لازم تجيب الثانية

Answer 5

أباح الله عز وجل للرجل أن يتزوج بأربع نساء بشروط هي:
القدرة البدنية:التي يتمكن بها من الجماع
القدرة المالية:التي يتمكن بها من الإنفاق:
القدرةعلى العدل بين الزوجات فإن خاف
 ألا يعدل بين زوجاته فليس له أن يتزوج إلاواحدة.
فالتعدد ليس لعبة تلهوا بها ثم ترميها متى شئت.لأن التعدد فتح

Answer 6

بعيدًا عن فكرة إنه شيء من حقك ولا أحد يقول بهذا شيء ، لكن هالوقت البعض وحدة ويا دوب يلحق على مصاريفه وترتيباته ، ألزم الأولى وغامر معها مو عليها بمشروع ودخل ثاني لك ولعائلتك ، ودام أنت قلتها من البداية ( خايف) معناه تجربتك بتكون خوف بناءً على كلامك .

Answer 7

وهل يرضى الرجل ان تتزوج حرمته شخص اخر يجب منع الزواج إلى بامراءه واحده لا لتعدد الزوجات

Answer 8

خد زوجتك وأولادك واسكنو في سكن العمل وأجر بيتك اللي حاليا عايش فيه  وبكده تكون زودت دخلك  بدخل شهري محترم ومن الإيجار اعمل مشروع ولما يكبر المشروع ابقي اعمل اللي عايزه

Answer 9

يعني من اول باب إنفتح عليك للرزق .. بتنكر العشرة وتجازي اللي صبرت عليك ؟

حافظ على النعمة اللي معك دامها ما مقصرة معاك وتراه التعدد اذا بدون سبب قوي مقنع بيجيب لك الصداع والهم ..

Answer 10

تخيل تجيب سطلين كوسه وسطلين طماط وجحتين لكل بيت وتسدد فاتورتين وبالصيفيه تروح مرتين للطايف تمشيهم تقل كداد انا اقول تعوذ من الشيطان وهون وامر الله من سعه

Answer 11

إذا هدفك تحصين نفسك و البعد عن الحرام اذا خشيت الوقوع فيه فوالله إن الله لن يضيعك
لكن إخلص النيه لوجه الله و لا تتكلف في موضوع الزواج حتى يباركه الله

Answer 12

بدل ما يفكر كيف يوسع ع زوجته وعياله على طول فكر بالثانية
طبعا بدون مايفكر كيف بيعيشهم وبدون مايفكر بعدين بيجيه عيال من الثانية وبتزيد المصاريف واذا الحين عنده كم عييل يادوب يصرف عليهم بكرة اذا تضاعف عددهم وش بيسوي

Answer 13

كلكم بس يصير عندكم سكن يكفي ثنتين تبون تتزوجون يعني معقوله السكن هو اللي يرد ! سو مثل غيرك وخذ موظفة عشان تصرف على نفسها

Answer 14

يا حليله يحسب الزواج مغامره وتسليه ! بكره تتقاعد او يستغنون عنك العمل وياخذون منك البيت وين راح تسكنها ومن وين راح تصرف عليها هي وزوجتك الاولى !؟

Answer 15

سكن عيالك في سكن العمل وأجر البيت الثاني ووسع على زوجتك وعيالك سبحان الله بعضهم اول مايجيهم الخير يفكرون يتزوجون ناكرين عشره.

Answer 16

اغامر !!!!
يا اخ ذا زواج و ذمة و مسؤولية !
انت عارف ظروفك ليه تجيب ناس و ارواح يتبهذلون في حياتهم عشان فضاوتك ؟؟
يعيشون في حياة كفيفه و ضيق عشان حضرتك ؟
انتبه لأهلك و خل الكلام اللي ماله داعي

Answer 17

عزيزي
أجِّر بيت العمل
وحسن مستوى دخلك
ووسّع على زوجتك وأولادك
هذا كفيل بإذن الله إنه يجدد الحب بيك وبين زوجتك وينسيك فكرةالزواج من ثانيه.
انت فكرت فقط إن الرزق على الله؟!
هذا الإيمان لطيف
لكن.. هو الله نفسه أمرك بتعظيم شعائره..
والزواج شعيرة عظيمة مهي مساحة للمغامرة..
اعتني بأهلك

Answer 18

اذا كان البيت إلّي ساكن فيه ملك اطلع منه واسكن بسكن العمل، واجّر بيتك الاولي واستثمر بالعائد حقه السنوي لين ٥ سنوات….
ورح بعدها تزوج والامور بتزين معك ان شاء الله….
اما حالياً انتبه(حتى زوجتك الاولية بتزيد مصاريفها لعرست

Answer 19

شوف ياعزيزي نصيحتي لك من خلال تجربه امر فيها الان ، تزوجت الثانيه ونفس ظروفك الماديه ماتكفي ، والثانيه صغيره فرق بيننا 29 سنه وتمتعت اخر متعه بالبدايه وبعدين خلفت توأم  وزادت المصاريف اكثر مما اتوقع والاولى زعلانه ومتعبتني نفسيا ، نصيحتي اذا تبي تتزوج اخذ مسيار وتمتع بدون التزام

Answer 20

أخي الفاضل التعدد له شروط وأحكام
ومن شروط أن يكون لديك القدرة المالية
وانت تقول راتبك يدوب يغطي على زوجتك وعيالك
التعدد ليس لعبه عشان تغامر بدون تفكير ...
المفروض تحاول انك توفر لعيالك حياة طيبه وخصوصاً نحن بزمن صار كل شي غالي.

Answer 21

زميل لي سوا نفس حركتك خسر الاثنين نصيحه اذا قدرت تزيد مداخيلك متع نفسك واولادك وزوجتك التفكير بهذي الطريقة اذا جيت تفتح مشروع اما زواج لايمكن بأنك ترميها وزي ماتجي تجي

Answer 22

الزواج ثمرته الابناء والاستقرار النفسي والعاطفي، فإن كنتَ في عدم من الابناء وشُح من الود والمحبة، فهذان سببان يعطيانك الحق المطلق.
بيتك سيعود للعمل، والتعدد حلال، لكن الراحة نصف الرزق.

Answer 23

يعني بس عشان جالك بيت بتتزوج ثاني؟ طيب مافكرت تأجره او تبيعه لو ينفع و تزود دخلك طالما الراتب يدوب يغطي المصاريف؟ عقلك وين مكانه من هذا كله؟

Answer 24

عجيب قاعد اقرأ التعليقات الي تحت
يبون يورطونك خذ النصيحه مني
الصح زبط وضعك اجر الشقة الي معك
 تمام وطلع قرض شخصي،
اشتر لك بيت شعبي ملك حتى لو رخيص
اجار الشقه في اقساط القرض
اكيد لمدة 5 سنوات بعدها مشروع الزواج
متاح لك واذا عندك ارض حاول تعرضها
لمكاتب التمليك استثمار وخذ نسبتك

Answer 25

فكر في اسواء الاحتمالات لنفترض طردت من العمل لااي سبب افلاس او غيره كيف بتنفق على الزوجتين او فقدت سيارتك خربت تماما وصار لازم تجيب جديدة من وين لك ؟دايم اترك لنفسك فلوس احتياط للمستقبل بدال تتزوج وتجلس ميسور ومو ملحق على مصاريفهم