في تصنيف استشارات زوجية بواسطة

تطلقت وطليقي شوه سمعتي وما طلق الا بالمحاكم وقال عني أشياء كذب وافتراء عشان ياخذ المهر والكلام هذا مكتوب انه قاله بالصك والحين تقدم شخص ومدري وش اقول سبب الطلاق يعني اقول قال عني هالكلام وانه كذاب عشان ياخذ المهر ولا اقول نصيب وانتهى وبكيفه يبي يوافق او ما يبي الي جابه يجيب غيره

25 إجابة

0 تصويتات
بواسطة
مو شرط تذكرين للخاطب سبب الطلاق واذا عندك اثبات على تشويه السمعه المفروض تقدمين شكوى عليه اما الكلام بدون دليل ماله قيمه لا في القضاء ولا عند الناس.
0 تصويتات
بواسطة
التفاصيل الدقيقة هذه مش لازم الواحد يتكلم فيها للعريس الجديد وتكتفون فقط انه ما كان فيه توافق وتم انهاء العقد بكل تراضي من دون وجود اي سبب او مشكلة
0 تصويتات
بواسطة
لا تقولين شيء الماضي ماضي خليك في الحاضر  اكيد سأل عنك وتعرفين نحن العرب مجتمع متماسك مايخفى عنه شيء هنا السمعه تسبق أهلها …
0 تصويتات
بواسطة
انتي شايله هم اللي يبي يتزوج ماعليك ولا راح يسأل واذا سأل قولي نصيب وخلاص ترا مافيه أحد يبي يتزوج يتدخل في خصوصيات البنت
0 تصويتات
بواسطة
كيف مادافعتي عن نفسك عند القاضي وكيف يصدقه بدون دليل
على العموم الله يعوضكم خير
وقولي للعريس الجديد سبب الانفصال مافيه نصيب بينكم
0 تصويتات
بواسطة
تستاهلين ليش ما رديتي المهر للرجال وحافظتي على سمعتك وسمعة اهلك!؟ خلي الفلوس تنفعك الحين
ولعلمك ما راح تتزوجين الا بصك الطلاق والمأذون بيخلي الخاطب يقرأ الصك قبل يعقد…
المهر مثل الرهن لمعرفة صدق الرغبة بالزواج وليس قيمة بيع سلعة لأن الفتاة المخطوبة مو سلعة للبيع
0 تصويتات
بواسطة
الكلام ذا المفروض رفعتي عليه قضيه عشانه لتشويه السمعه ليش سكتي وقتها؟ عموماً نصيب وانتهى
0 تصويتات
بواسطة
ما تقدرين ترفعين قضيه ولو رفعت راح يردها القاضي
0 تصويتات
بواسطة
لا تقولين له شيء
موب لازم يدري عن تفاصيل  زواجك القديم
0 تصويتات
بواسطة
مافهمت يعني صك الطلاق يقراه الزوج الجديد ؟ وش دخل المهر ! احس عقلي صار ايرور
0 تصويتات
بواسطة
لو اراد الله لك هالزواج سيتم باذن الله صارحيه بكل التفاصيل لا تدرين يمكن طليقك بعد زواجك يوصل نفس الكلام .
0 تصويتات
بواسطة
بنسبه للي يبغا يتقدم لك قولي له ماحصل نصيب وبس
ماله حق يشوف الصك نهائيا
وأما سالفه طريقك فحسبي الله ونعم الوكيل في كل شخص يلعب في اعراض الناس ويشوه سمعتهم
الله كبير شايف وعارف لاتخافي حقك بيجيك الزمن كفيل بذلك
0 تصويتات
بواسطة
حط فيك كلام حطي فيه كلام قولي فيه وفيه وتزوجي ماعليك وكملي حياتك طبيعي
بعض الرجال ينشب في المهر خلاص هي شرت فيه اشياء عشانك بالاخير وانتي تمتعت فيها يعني تبغى هذا كله بلاش سلامات يالطيب ؟
 بعدين الحرمه ماتطلق الا من شي كبير
0 تصويتات
بواسطة
ماطلق الا بالمحاكم؟ وشوه سمعتك كيف تدون المحكمة شيء بدون اقرار منك؟واذا كان مذكور في الصك وانتي قلتي كذب ف أنتي كذبتي المحكمة وزوجك ، المحكمة ماتدون شي الا باثباتات، واذا كان عشان المهر طيب ليه مارجعتي له مهره ، اعرف قصة رجل مثل قصتك بهدلته عشان مارضى يسوي حفل كبير حتى ابوها كاذب
0 تصويتات
بواسطة
أذا سألك جاوبيه ..
الآن أظهري جمال شكلك ، وحسن معملتك
وطيب أخلااااااقك  ... أستباق الأحداث
خطأ في مثل هذه الظروف ..
0 تصويتات
بواسطة
ماراح يطلع علي الصك فحطي في بطنك بطيخة صيفي ، لكنه بيعيش معك وبيشوف وش هل الكلام اللي انكتب صدق ولا افتراء ، كبشر نحاول تحميل اخفاقاتنا لاشخاص او مواقف ( ربما يكون لها يد ) لكننا نتجاهل أنفسنا والخطأ الذي اقترفناه .الزواج السابق مرحلة وانتهت ، والجديد مرحلة راح تبدا فخلك آدمية
0 تصويتات
بواسطة
عزيزتي ..
القران يربينا على حسن الخلق مهما أساء الطرف الآخر.
فالله يقول(ولاتنسوا الفضل بينكم) فإن كان هو نسي لايلزم منه ان تنسي أنتِ أيضًا.
لاتذكريه لا بخير ولا بشر.
ماضي وانتهى
ولايحق للخاطب أن يسألك عن التفاصيل، رلا يحق لك أن تدخلي في التفاصيل إلا في حدود نفسك.
0 تصويتات
بواسطة
صفحة طويت وانتهت...

وانتبهي من اي كلمة او نقاش او معلومات أو ذكريات تقال وتردد عن زواج انتهى بما فيه

رزقك الله الزوج الكفوو
0 تصويتات
بواسطة
مو ذنبك اذا صادفتي بحياتك عديم مروءة ولا مطلوب منك تشرحي اسبابك لأحد وحياتك سابقاً ما احد له حق يسألك عنها الخطيب اكيد سأل عنكم .جوابك نصيب وراح بحاله الله يستر عليه .لا تخلي شي يزعزع ثقتك بنفسك.الله يوفقك ويسعدك
0 تصويتات
بواسطة
مو من حقه يعرف أي شي الشخص اللي تقدم لك عن حياتك السابقة !!!! زواج وانتهى ونصيب وكل واحد راح ف حاله والله حسيبك ونصيرك ع طليقك إذا ظلمك واذا فتح معك الموضوع قوليله قضاء وقدر مااتفقنا نصيب أي شي انتتتبببهي تقوليله أي شي عن زواجك السابق واستخيري ماخاب من استخار
0 تصويتات
بواسطة
عادي انتي لازلتي على البر قوليله مافيه نصيب وماتفقنا ومختلفين مع بعضنا ومافيه اي اتفاق وماكان في حل غير الطلاق وانتهى الموضوع اذا عجبته الاجابه اهلا وسهلا ماعجبته قوليله اعطيك رقمه تتواصل معه ياملقوف.
0 تصويتات
بواسطة
ليش يسأل من أصله
واذا سأل قراي نصيب وانتهى
عجبه اهلا وسهلا ماعجبه
في امان الكريم
معناه مافيه نصيب
0 تصويتات
بواسطة
مارح يسألك الا بعد الزواج قولي له السبب الحقيقي الي خلاك تتطلقين اما كلام طليقك بالصك ماعليك منه والصك مارح يشوفه طليقك رح ياخذه الشيخ الي يملك لك ويرجع يعطيه ولي امرك بس بعد الزواج اذا يبي يضيفك لازم صك ،
0 تصويتات
بواسطة
لاحول ولاقوه الا بالله امساك بمعروف او تسريح باحسان والله اذا فعلا هو كذا مايخاف الله والله حزنت لما قريت جد ناس ماتخاف الله زي ذا واشكاله فوضي امرك لله واحمدي ربك فكك الله من هشخص الي ماعنده مرؤوه ولا شهامه ولاتقولي شي له فوضي امرك لله واذا سئل عن السبب قولي ماتفقنا وبس
0 تصويتات
بواسطة
اذا سأل عن سبب الطلاق علميه و اذا ما سأل لا تفتحين السيرة يمكن عارف و لا يبي يتكلم معك عن الموضوع ذا

استفسارات متعلقة

...