في تصنيف استشارات زوجية بواسطة
أنا زوجه أولى منذ 4 سنوات وإلى هذا الوقت ما قدرت أتأقلم أبدا أتعبني العتاب جداً زوجي لم يتغير حاله قبل زواجه لكن أنا تغيرت في كل شي وصرت اشوفه شخص خاين و آناني لا يحب الا نفسه لانه مخليني ع ذمته وهو يشوفني اني اعاني ولا قدرت اتقبل الوضع هو عارف ان انفصالي عنه راح يخليني اتجنب اخسر نفسي اكثرر او ع الاقل نحافظ ع ماضينا ولا نخربه اكثر بالحاضر لكن طمعان اني اتأقلم واسامح واعيش وحده طبيبعه رحت لاهلي كثير مرات كثير لدرجه خلاص عرفت النتيجه اللي هي بيرفض الطلاق ويخليني معلقه واضطر ارسله كل شوي يحول فلوس لنا والاولاد يتعبوا وانا اتعب من الوضع ونرجع ولا عندي قدره للمحاكم لان الخلع يبي طوله بال ويبي ممكن فلوس حتى فهو اناني لانه متمسك فيني رغم انه شايفني اعاني.. انت قررت تتزوج فأنا لي قرار بعد ابقى معك او ابعد والمفروض تحترم قراري مهما كان وزوجي الى هذا الوقت كل م يريد يطلع من عندي يلبس لبس دوامه بحيث م عرف متى يروح عندها ومتى دوامه الصدقي هو حسباله حركه تخفف عني وهو فعلا تخفف عني علشان مجلس افكر انه مثلا هاليوم مع وحده غيري بس خلاص مرت سنين لو بتأقلم تأقلمت خاصه وان صار معاه منها اطفال بس زوجي فيه صفات جدا جميله وتعامله معاي جداً جميل ويحب اولاده ويساعدني فيهم ما أشوفها شفعت له وفعلا انا حاولت اتقبل واعيش لكن مو بكيفي وانا عارفه ان الانفصال عنه ما يعني انتهاء الحزن بس راح ارتاح في امل انه كل يوم حياتنا الماضيه ترجع ف رحيل الشي لإبد اهون بكثير من العيش على امل عودته ولا يعود

37 إجابة

0 تصويتات
بواسطة
انتي مايصلح تكونين كذا لازم تتقبلين زواجه او تنفصلين عنه نهائي دون التفكير بالعواقب او انك تنسين فكرة انه متزوج غيرك دام هو باعدها عنك ومراعي مشاعرك لازم ترحمين نفسك من الالم والتفكير نفسك عليك حق اتخذي احد القرارت لازم عقلك يقبل احدهم عشان ماتدخلين في اكتئاب نفسي وخوف ومرض نفسي وتخسرين صحتك وهو ماراح ينفعك لو صار لك شي مايفيدك غير صحتك وراحتك اللي يريحك سويه
0 تصويتات
بواسطة
من كم الحزن اللي في قلبك وواضح انه مرت سنوات ومش قادره تتقبلي او تتعايشي فنصيحتي لك "اعتزل ما يؤذيك " انت جربتي واعطيتي الف فرصه بس اكتر من هيك انتحار واذى نفسي بما انه محترم ولطيف وبيحب اولاده مثل ما وصفتيه اذن اتركيله اولاده وابعدي ابحثي عن توازنك النفسي واطفالك شوفيهم مره او مرتين في الاسبوع ولما تستقرئ نفسيا وتتوازن افكارك بتوصلي لقرار سلييم ابعدي ابعدي واستغني عنه وشوفي نفسك وحاجاتك انت عشان تقدري تربي اولادك صح ويكونوا سليمين عاطفيا ونفسيا
0 تصويتات
بواسطة
تصفينه بالأناني وأنت مثله!!
قرر يتزوج وقررت مقاطعته ومع ذلك هو مستمر بواجباته تجاهك وانت لا
تعلمين انك لاتستطيعين النفقة على ابنائك وتحتاجيه دائماً للنفقه فلم لاتهوني الأمر عليك وعليه وعلى الأبناء؟
انت الان تريدين الطلاق وتريدين المنزل والنفقه بدون وجوده أم تريدين منه ان يطلق الثانيه؟
فكري… ان طلقك هل ستجدين من يحبك كحبه؟ هل تقبلين العيش مربية لأبنائه فقط؟
مالايدرك جله لايترك كله
0 تصويتات
بواسطة
طالما إنه بإعترافك أخلاقه حلوة ويعاملك معاملة زينة فأنا متأكدة إنك راح تندمين بعد الإنفصال الحين إبليس شاد حيله معك ومجرد ما تنفصلين يشيل يده عنك وتصحين
بواسطة
الله يبعدناعن الطلاق
0 تصويتات
بواسطة
الله المستعان ماادري باي كلام أبدأ اذا هو اخلاق ويساعدك وكويس معاك كلها مايشفع له وتريدين الطلاق هل علمتي ماهو الطلاق هو كسر والكسر عظيم هل ياترى اذا تطلقت وخضت التجربه هل يأتي باخلاق زوجك او انه رجل ثاني يختلف اختلاف جذري وحينها تعضين اصابع الندم ضيعتي نفسك واولادك وضيعتي زوجك اللي يحبك وشاريك ومتمسك فيك الام تضحيه وتضحيه عظيمه مافكرت باولادك شنو مصيرهم بعد الطلاق لاتقولين لي اتكفل واهلي وانا مستعده اكرس حياتي لهم كل هذا ف مهب الريح كلام فاضي القول غير الفعل نصيحة اخت محبه لك تمسك فيه لان مثله نادر زواجه قدر الله ولايمكن الانسان يمنع قدر الله لو طار الى السماء قدر الله نافذ وغصب عن الجميع فلازم تستسلمي لقدر الله وترضين به وعيشي لنفسك ولاولادك فالدنيا ليس واقفه ع زواج الزوج ولا خلقنا لنسعد بها الدنيا دار عمل ودار مرور فكري بكلامي لاتخسرين زوجك بعدها تخسرين نفسك وحياتك
0 تصويتات
بواسطة
تقبلي الوضع ياما ناس تزوجوا عليهم ازواجهم وبعدهم متمسكين فيهم وانتي زوجك يحبك ويحب عياله فخايف تضيعون من بعده.. اتركي عنك العجلة ولا تخلي مشاعرك تتحكم فيك. فكري بالعقل افضل
0 تصويتات
بواسطة
كمية الألم والمشاعر وصلتني بس اظن هي فعلا محتاجه مستشاره لأنها مشتته وتحب زوجها وهو يحبها لكن محطمه من الداخل وتحاول الهروب من الواقع لكن إذا الوحده كرهت زوجها او ماتعطيه حقوقه يجوز لها طلب الطلاق اتوقع اربع سنوات المفروض تكوني تأقلمتي
0 تصويتات
بواسطة
فكري ان الله سبحانه وتعالى حلل هذا الشيء وادعي الله يخفف وجعك، الله بيستجيب لك ويروح منك الشعور بالظلم والملامة تجاه زوجك فكري إن هذي ارادة الله قبل ماتكون ارادة زوجك وكوني افضل من نفسك وقاومي مشاعر المرارة. عيشي بشكل حلو وقومي الصبح ابتسمي لزوجك وتعاملي معه عادي مثل ماكنتي قبل واغتبريه احسان منك لأن قلبك نظيف ولاتفكري كيف انه مع وحدة ثانية، كلما جتك الفكرة استغفري وقولي (كله خير من رب العالمين)
0 تصويتات
بواسطة
سبحان الله مع ان رب العالمين احل الزواج الثاني و الثالث و و و بس سبحان الله الحرمة ما تقدر تتقبل ابدا و اوقات يوم افكر فيها اقول رب العالمين رحيم و يعلم ان الحرمة مهما طولت بس اكيد تقدر تتحمل و صدقيني والله ثم والله الي سواه جدا صعب بس لو كانت خيانة بتكون اصعب هو راح للحلال فكري فيها ادري ما بقدر اخفف من حزنج بس صدقيني لو شفتيه بالحرام بتتعبي اكثر انا اقولج كوني قوية و امسكي بيتج و عيالج ترا مالهم ذنب والله و الي تبينه سويه و انتي تقولين انه كويس و و و يعني تقدرين تعيشين وياه بس هذا الشيطان يوسوس لج كوني قوية و اقولها لج الف مرة
0 تصويتات
بواسطة
واضح انج تعانين وحزينه ومتألمه الله يخفف عنج يارب انصحج تصلين في الليل ركعتين تختمينها بالوتر كرري كثير بسجودج اللهم اجبرني اللهم اجبرني واستشعري ان الله رح يجبرج اقرئي القرآن كثيرا واستغفري وصلي عالنبي وحوقلي وتصدقي كرري ايضا في سجودج وأفوض أمري إلى الله إن الله بصير بالعباد لان محد راح يقدر يخفف عنج او يرشدج للصواب الا الله سبحانه وتعالى الله يربط على قلبج يارب
0 تصويتات
بواسطة
ألمك وصل لكل واحد قرأ رسالتك حابة اقولك ربي يجبر قلبك جبر تتعجب له سبع سماوات وتأكدي انه مهما وصل وجعك وتعبك اكيد ربك هيفرجها شي يوم ويعوضك عن سنين الشقا بأولادك قرار الأنفصال صعب خصوصا لو كنتي محبة لزوجك وبينكم أطفال انتظري الوقت المناسب وتكوني فيه مستعدة لقرارك
0 تصويتات
بواسطة
الله يقويك  افضل شي تنقطعو عن بعض فترة طويله وراح تكتشفي هل تقدري تعيشي بدونه او لا ربي يمسح على قلبك
0 تصويتات
بواسطة
على بالي انه خانها بالحرام يختي احمدي ربك انه تزوج على سنة الله ورسوله ربي حلل لهم دامه مو مقصر معك مايهم الباقي لو كان قلبك معلق بالله ماهمك اي شخص بالدنيا غير امك وابوك اوكي زوجك حبيه بس ماهو يعني انتهى العالم دام تزوج خير ياطير استهدي بالله وخلي عيالك يتربون مع ابوهم وكبري مخك هذه الدنيا ماراح ناخذ منها شي الا عمل صالح ولا ولد يدعو لنا انشغلي باطفالك استثمري وقتك فيهم وخليهم يتربون مع ابوهم نصيحه لاتتركين لشيطان مدخل تقربي من الله ورح تصغر كل الدنيا بعينك
بواسطة (680 نقاط)
خانها بالحرام أو عدد بالحلال تراها الاثنين نفس الشعور الذليل والمهين اللهم إن التعدد حلال والخيانة حرام فقط لا غير وبالعكس التعدد ألعن مليون مرة تناصفك في الورث وفي الراتب وفي المقاضي وفي المبيت
0 تصويتات
بواسطة
فكري ب اولادك مو بس بنفسك ولا تسمعي كلام الي يحرضونك على الطلاق بس تطلقي تندمي لان الي براسك حصلتي عليه وعيالك برقبتك لا بيت ولا مكان ولا اهل يدومون لك ، لك قويه لا تسيري ضعيفه خلك بحالك ابعدي عنه وانتي ببيتك وخلاص ابعدي افكار الشيطان عنك والحزن والالم ماهو نافعك انتي بخير وعيالك بخير ادعي الله ووقفي على رجولك وخلك قويه وحاربي مشاكلك بدعاء والقران
0 تصويتات
بواسطة
بذا الوقت انتي ام ونفسيتك اهم لأولادك مو له تقبلي الوضع واشتغلي على نفسك بطريقة صح اهتمي بنفسك اهتمام عميق داخلياً وخارجينا اذا ما يقصر تعالجي من موقفه بعلاج نفسي كل شيء بيخف عليك بالتدريج تقبلي وهوني على نفسك ذا الشيء من جوه ولعد تركزين لين تعالجين سبب الخضوع لغيرك وهنا بيبدا التغغيير
0 تصويتات
بواسطة
انا اشوف انك متمسك بزوجك بشكل عجيب فقط تكابرين!! ولو تبغين تنفصلين كان انفصلت والامر انتهى .. عيشي حياتك انت واولادك وانبسطي وخلي علاقتك قويه معهم والحياة مو كله زوج والحياه واسعه جداً وجميلة عندك اهل هذي نعمه وعندك خواتك هذي نعمه ثانيه وعندك صديقات هذي نعمه وادرسي شيء تحبينه او اخذي دورات او ادخلي اعمال تطوعيه او دور تحفيظ قران ونادي نسائي وزوجك اذا معك نعمه واذا طلقك شيء مكتوب
0 تصويتات
بواسطة
نصيحة الك اطلعي من ثوب الضحية يلي معيشة حالك فيه زوجك تزوج وهذت شي شرعي وتم وصار عنده اولاد وانتي زوجته ومعك اولاد منه وتقريبا مافي مشاكل حقيقية لذلك خدي الايجابيات بحياتك وطنشي السلبيات وخديها من ناحية دينية
انه صبرك على زواج زوجك لك فيه اجر بإذن ربنا وتربيتك لولادك وتعاملك الحسن مع زوجك كله بأجره خاصة انه هو مو مقصر معك بشي فما في سبب لكل هالالم الا تفكيرك بحالتك انك ضحية ومظلومة وبتعاني ومدري شو عادي هو حقه يتزوج بدون اسباب وحقه تعامليه بالحسنى وانتي ماخدة حقوقك كاملة منه ريحي اعصابك وتقربي من ربنا لانو الشيطان مأثر كتير عتفكيرك الانفصال شيليه تماما من راسك واحمدي ربك وركزي بولادك وبحالك كيف بتقدري تنبسطي بالاوقات يلي بيكون زوجك عندكم والله يوفقك ياقمر
0 تصويتات
بواسطة
الافضل بحالتك البقاء على الزواج لانه في كل الحالتين حالتك ماراح تتغير والحل المناسب لك العلاج السلوكي انتي بحاجة لدكتورة نفسية حتى ترجعين لطبيعتك وتقدري تقرري القرار اللي يريحك من غير احساس بالذنب او الحزن على نفسك
0 تصويتات
بواسطة
ليش فسرتي تمسكه فيك بالانانية؟
ليش مافسرتيه حبا لك وعدم قدرته على التخلي عنك او عدم رغبته في تشتيت الابناء دام تعامله معك جميل ويساعدك ويساندك ويحس فيك لا تفكري بالانفصال بل فكري في طريقه لتقبل زواجه حتى لو كان باخذ استشارة ،، كان الله بعونك وخفف عنك وحاولي تضحي لاجل الابناء
بواسطة (680 نقاط)
الي يحب ما يأذي ما يبدلك ولا يرضى عليك الهم والحزن ويشوفك مذلولة ومحروق قلبك طول هالسنوات لو يحبها يطلقها وتشوف حياتها مع زوج غيره.
0 تصويتات
بواسطة
انا اشوف انك بالأول تحاولي تتعالجي من الصدمة و مشاعر الحزن اللي جواك و يوم تتشافي و تكوني قادرة على أخذ القرار السليم (اللي يكون في مصلحتك و مصلحة أبناءك) عندها اتخذي قرارك و غالبا يمكن تتراجعي عن فكرة الطلاق لأن زوجك بشهادتك كويس و يراعي مشاعرك لا تفرطي فيه بسهولة، مهما كان اللي سواه صعب عليك وهذا شي اكيد بس انظري للجانب الإيجابي يراعي مشاعرك يعدل بينكم و يحب عياله و يساعدك فيهم، اغلب الرجال إذا اخذوا الثانيه طلعو عين الأولى بسبب معاملتهم السيئة و عدم العدل بيناتهم، استعيذي بالله من الشيطان الرجيم لأنه يبغى يخرب بيتك، و زوجك مش خاين لأنه تزوج بشرع الله و رسوله فرقي. الله يربط على قلبك و ينور بصيرتك
0 تصويتات
بواسطة
ابعدي مو ضروري تطلقي عشان تثبتين له انك بعيده انتي ماتبين الطلاق انتي تبين تقهرينه لانه متمسك فيك تبين تشوفينه خسران باي طريقه حتى لو على حسابك ، اصحي معك اطفال وبيتك تتركينه لمين تجلسين انتي وعيالك عند اهلك محد متحملك عشان التفكر الي براسك ترتاح تبين تطلبين عشان تقهرينه غلط تصرفك ، ابعدي عنه وانتي ببيتك وخلاص مالك بعد الله الا بيتك انتبهي من الافكار هذي تراها من الشيطان بس تطلقي تحني انتي الي تحني وتبينه يطلع بوجهك بي طريقه لا تخسرين بيتك خلك ببيتك وبعدي عنه لا تكلمينه اذ هذا الي يريحك ونصيحة والله بتدعين لي ابدي ختم القران خلك مشغوله بالقران والله راح تشوفي امور بحياتك كثيرر بتريحك بذات الافكار والانتقام والتعب والتفكير كله يغيره الله ويريحك ويعير حياتك للافضل تشوفينه بعينك يجيك بس يبي يشوفك ويكون عندك نصيحه ابدي اليوم اختمي القران اخر الشهر وانتي مخلصه والشهر الجاي نفس الي ابدي اختمي والله شفتي الشكوى والكلام الي كاتبته لناس والله ان القران بختار لك الطريق للافضل لحياتك ويغير داخليا وخارجيا حتى جسمك وبشرتك تشوفي فيها جمال وقبول اختمي كل شهر من اول شهر شوفي الفرق بنفسيتك نصيحه استمري على الختم سنه كامله والله تشوفي الناس كلها تنصدم منك ومن حالك ومن تغيرك باذن الله ي رب تلزمي بهذي الطريقه نصحت فيها وحده من صديقاتي والله انها دقت علي تبكي تقول والله شفت العجب والراحه من كل شي حتى زوجها يدخل يحب راسها
بواسطة (680 نقاط)
تجلس تفتح حلقة تحفيظ في بيتها وتقرأ وتختم وهو شغال مع زوجة غيرها وله حياته كأنه عريس جديد!؟
0 تصويتات
بواسطة
ياعزيزتي استخيري ثلاث مرات ،لو شفتي انك مرتاحه لقرار الانفصال عنه من حقك،  واتفاهمي معاه على مصاريف الأطفال واجلسي في بيتك ،ولو شفتي انك تبين تواصلين وتركزين فقط على سعادتك أنتي وعيالك  من حقك أيضا ، ولا يكلف الله نفسا إلا وسعها ،الرسول صلى الله عليه وسلم ماانكر على فاطمه الزهراء رضي الله عنها لما طلبت الفراق عندما أراد علي الزواج عليها .
0 تصويتات
بواسطة
وليش ما نقول ان طلاق معناه فوق معاناتك مره ثانيه هو مو مقصر معك لا ماديا ولا معنويا ولا حته جنسيا ويراعي مشاعرك حتى ما تعرفي متى كان عندها اتوقع قليل من هذول الرجال اللي يخاف على مشاعر زوجته
بواسطة (680 نقاط)
لو يخاف على مشاعرها ما تزوج عليها
0 تصويتات
بواسطة
لا تتطلقي، ترا مو ف صالحك، بس اقدر اقول لك خذي فترة استراحة، ابعدي عن زوجك وعيالك شوية، واجلس مع صديقة او اخت تدعم قرارك، رجعي هواياتك السابقة، استعيدي توازنك النفسي وعودي لنفسك قبل أن يتزوجك زوجك، اخرجي من حالتك السلبية، حتشوفين الدنيا لسا حلوة
0 تصويتات
بواسطة
نصيحة ام حصل الامر خلاص دامه يحبك لاتحرمي أولادك وتخليهم أيتام وابوهم عايش كيف تحبيه وتتركيه بالكامل لغيرك نصيحه اجلسي في بيتك واليوم اللي هو عندها اعتبريه راحه لك اهتمي بنفسك وقللي الاهتمام فيه والتفكير المشاكل تخليه يكرهك المشاكل تتعب أولادك نفسيا عيشي لنفسك ولعيالك واذا جاك عادي لاتناقشينه ولاتجيبين سيرة زوجته لأنك تضيعين وقت جميل من حقك انتي وعيالك. انسيها ولاتاخذذين ذنب عيالها لمن يطلقها عشانك نصييحه اهلك ماراح يستحملوك انتي وعيالك وراح تطفشين وتندمين خليك مع اللي يحبك الطلاق موت وقهر ومسؤوليه ومصاريف. ماراح يتحملك الا زوجك لو اهلك جنه يوم يطفشون ويخلونك ترمين عيالك وينامون بعيد عنك ويعيشون بعيد وتقسي قلوبهم عليك تكبرين تلاقين نفسك وحيده نصيحه خليك في بيتك مصير الجرح يبرأ والألم يخف
0 تصويتات
بواسطة
حبيبتي هيا مو عروسة عشان تغارين واتوقع شبع منها وخلصت النزوة فهو يشوفها وحده عادية مو زي بالبدايات حطي الشي هذا براسك الشيء الثاني جربي تكوني منفصلة عنه لكن فبيتك جربس هالشعور يمكن تتراجعين عن الطلاق ويحفظلك بيتك او يمكن يريحك نفسياً اطلعي وروحي واتمشي وتونسي اطلبي منه مرتين بالاسبوع طلعه لوحدكم او مره بالاسبوع حتى يمكن وقتها ترتاحي ويروح التوتر الي بينكم مايمنع تزوري اخصائي سلوكي يمكن يريحك الشيء هذا واكيد لانك مصدومة للان ويمكن عندك بوادر اكتئاب بس مو حاسة اطلبي رضاوه سفرة شهر عسل تنسين فيها الي صار اتوقع مراح يقولك لا يمكن هذا شيء يريحك لاتستعجلي بالطلاق خاصه اذا اولاده يحبوه وهو حنون وكريم معاهم
0 تصويتات
بواسطة
النصيحه الأولي والاخيره أن تاخذي جلسات نفسيه استعيدي فيها نفسك وفرغي مشحون الحزن عندك من بعد ما يصير هيك راح تقدري تفكري بشكل جيد هل تكملي وتبدئي صفحه جديده او تبعدي
0 تصويتات
بواسطة
دامه معك كويس واولادك ليش تدورين الطلاق احسبي حساب بعد الطلاق كيف راح تتصرفين وانتي ماعندك لاوظيفه ولا مسكن؟! عيشي لنفسك اذا جاء ياهلا فيه وان طلع من البيت مع السلامه انبسطي مع عيالك وروحي اطلعي وتمشي وغيري جو وانشغلي بشيء يشغلك مثل وظيفه او شيء تحبينه او نادي واستغفري والحي بدعائك ربي يجبر قلبك ويبرد عليك وادعي ربي انه مايعلق قلبك إلا به سبحانه اتكلم لك عن تجربتي والله ماتدرين ايش الخيره لك وايش اللي ربي كاتبه لك .. استخيري كثير وادعي ربك يكتبلك الخير سواء معه او بدونه
0 تصويتات
بواسطة
الطلاق خطوه قويه انتي ذكرتي أن ما عندك فلوس ولا وظيفه كيف بقدري تعيشي انتي وأولادك بعد ما يتم طلاق انتي ما عندك شي تصرفي منه اول ما يتم طلاق راح تاخذه منك ثانيه وبتكون هي الفائزه عليك
0 تصويتات
بواسطة
والله نصيحه ارضي بالواقع هي خلاص معاد انها عروس زيها زيك واصبحت عاديه بنظر زوجك والانبهار انتهى ويمكن بينهم مشاكل وانتي لسى متعبك نفسك وجايبه الحزن لقلبك ياامي خلاص قولي ستوووب وابدأي حياتك مع زوجك وواضح زوجك يحبك ومتمسك فيك الطلاق مو حل دام بينكم اطفال راح تشوفيه وتتواصلي معه فالافضل انك تكوني عنده يصرف عليك وعلى اولادك وفكرري ب اولادك ونفسياتهم يشوفو امهم كذا مهمومه وتعبانه راح تآثري عليهم نفسيا الاطفال يحتاجون ام سعيده وربي هالحزن ماوراه غير الامراض ضغط سكر قلب بالله لو جااك واحد من هالامراض صدقيني  راح يصغر قدامك كل هالمشكله اللي انتي فيها وراح تشوفي انو انتي مكبرة الموضوع واستهلكتي كل طاقته فيه ف نصيحه سمي بالله وانفضي نفسك من هالحزن وقومي ابدأي حياتك شوي شوي لين توصلي للقمه

استفسارات متعلقة

...