في تصنيف استشارات زوجية بواسطة
السلام عليكم ،  بنات ساعدوني كيف اوزع مهري وايش الاهم اللي اشتريه ساعدوني ب التجهيز محتارة ما اعرف وش اسوي الله يسعدكم اعتبروني اختكم

35 إجابة

0 تصويتات
بواسطة
بكج ليزر وتقشير لحال ، الذهب والفستان بملحقاته والكوافير لحال ، بجامات وقمصان نوم وبيت وملحقاتها ومناشف ميك اب وعطور وقطن واعود اذان ملابس كشخه وبدل ودراعات اكسسوارات واستشوار ...الخ
0 تصويتات
بواسطة
حطي لك ظروف وقسميها العياده من ليزر وعنايه بشره في ظرف،الملابس ولاتكثرين منها لان بتشترين بعدين ان شاء الله،الفستان استاجريه افضل وارخص من انك تشترينه او تفصلينه، وهكذا شوفي احتياجاتك وقسميها على مهرك واللي يبقى خليها بحسابك البنكي ولاتنسين امك وابوك منها والله يوفقك
0 تصويتات
بواسطة
قسميه على ذهبك وفساتين الملكه وكم فستان لبعد الفرح وقمصان النوم حقت بعد الزواج العبايات الي حتلبسيها وخذي المكياج الي تحتاجيه فقط لا تكتري وكم عطر فخم وإذا كنتي مخططه وحاجزه لشهر العسل قسمي ايش حتلبسي وايش لازمك على حسب المكان وبعدها قسمي بقية فلوسك على أشياء لجسمك وكريمات وماسكات وملابس وكده ولا تكتري ملابس لانع بامكانك تشتري باي وقت ويمكن يتغير مقاسك وبتوفيق ربي ييسر عَلَيْكِ ويتمملك على خير اهم شي اكتبي كل الي تبغيه بورقه عشان تركزي وما تنسي شي
0 تصويتات
بواسطة
اهم شي اذا مو مسويه ليزر سوي واسنانك وبشرتك وجسمك خصصي لها مبلغ وبعدها الذهب ع حسب مهرك ومكياج مهم وملابس نوم وبجامات وعطور فخمه ولاتكثرين ومعطرات جسم واغراض من الصيدليه واكسوارات وجزم وشنط وللفستان والكوفيرا والمصوره لاتنسينها للذكرى عاد الله يعينك لازم تصرفينه صح وماتضيعينه
0 تصويتات
بواسطة
نصيحة من كل بحر قطره وبالذات اللبس يتغير جسمك تحملين بعدين الشي المهم بتسافرين فحلو تشترين او تطلعين معه تشترون بعد الزواج ويكون الذوق مشترك اهم شي تركزين على ليلة الدخله وش بتلبسين من فستان اكسسوار جزم مكياج  قميص نوم ويكون فخم وطويل وتشترين من اثنين الى ثلاثه لبس رسمي ونفس الشي للبيت العطور مب خساره مهما حطيتي
0 تصويتات
بواسطة
اول شي خذيها بالتدريج على حسب اولوياتك انتي محد يعرفك قد نفسك الذهب اشتري على ذوقك طقمين او ثلاثه على حسب الميزانيه وحطي مبلغ لنفسك مثلا بشره لو عندك عيوب ، ليزر ، اسنان.. واغراض الصيدلية والملابس لاتكثرييين بالذات حقت البيت احس اول 3 شهور كلها خرجات وسفريات وعزايم وباقي اذا سافرتي اكيد بتشترين وممكن يتغير جسمك اول الشهور وتحملين ، الميكب اشتري الي تستخدميه بالعاده لاتقولين بجرب احس 2000 مبلغ معقول والعطور خذي 4 بالكثير ولاتنسين لسى بتجيك هدايا ومستحيل تستخدمينها كلها و احسبي حسابك لمصاريف ليله الزواج ( الفستان ، المصوره ، الميكب ارتست .. )
0 تصويتات
بواسطة
اول شي تبدين فيه الحجوزات المشغل والالبوم والفستان نصيحه لك لان الحجوزات تطير لك الفلوس ان خليته اخر شي تتوهقين المهم بعدين ابدي كل يوم حاجه روحي تقضي ملابس طلعات بعدين ملابس بيت بعدين ملابس داخليه بعدين روحي للمكياج وبعدين عطور وبخور وبعدين الاكسسوارات الاستشوارات وطقتهن واخر شي الذهب بس حطي مبلغ الذهب على جنب لين ينزل السوق واشري احسن من تشرينه بغلا وما تستفيدين
0 تصويتات
بواسطة
اشتري الذهب حسب قدرتك واخذي لك كم لبس نوم وكم لبسة لزوجك اشيا نبرز جسمك وهيك وكم لبسة تقابلي فيهم الاهل والضيوف واخذي لك اساسيات الميك اب لاتكثرين منه ومن الاحذيه والعبايات والشنط اخذي لك نوعين من كل شي بسسس
0 تصويتات
بواسطة
اوووللل شي واهم شي الذهب عادي كثري ذهب ولا تكثري ملابس لان الذهب ممكن يامن لك مستقبل لو حصل شي لا سمح الله او احتجتي او اي شي عندك ذهب تقدرين تبيعينه او الي تبين الملابس لا تكثري منها لانه مثل مايقولون ممكن تمتني او تحملي او يتغير وزنك عموماً وكمان الموضات دايماً تتغير وبعدين اشتري ملابس النوم وبعدين الاكسسوارات والعطور والكريمات والمكياج
0 تصويتات
بواسطة
نصيحه طلعي مبلغ الفستان والكوفيرا والمصوره والمسكه على جنب حطيها بظرف وخبيه عشان لو خلصت فلوسك ف الملابس تكونين مرتاحه ان عندك مبلغ لااغراضك ليله الزواج
0 تصويتات
بواسطة
لاتكثري ملابس لانو كل شويه تطلع موضه واكيذ حتخرجي السوق وتشتري ، اشتري فستانين او ثلاثه فخمه لاول ايام الزواج ادا انعزمتي زواج او عندك مناسبه او اي حاجه وملابس البيت البجايم برضوا لاتكثري منها والمكياج يخرب ف خذي الاساسيات والعطور والتجميل المنظفات حق الجسم خذي مجموعات اوفر كمان والجزم خذي كم كعب وكم فلات وكم جزمه سبورت ووالذهب اهم شي واول شيء حطي له ميزانيه ١٠الاف او اكثر اذا مهرك حول ٣٠ واذا مهرك فوق ٣٠ حطيله ميزانيه ١٥ يعني من طقوم وبناجر وممكن حزام يعني قد ماتقدري خذي ذهب تلبسيه ولانه يقعد للزمن اذا احتجتي فلوس واذا بتسوي ليزر وتنظيفات الليزر الان ارخص شيء ب ١٠٠٠ ولازم تسوي اكثر من ٦جلسات ف ٨ممكن ليزر كل شهر و٢٠٠٠ تنظيفات وكذا الله يعينك
0 تصويتات
بواسطة
اول شي جيب ظروف وحطي كل مبلغ في ظرف عشان ماتطير فلوسك على الفاض ماخلصتي اشغالك اول ظرف حطي ١٠الالف للذهب ١٠ تجهيزك يوم العرس من فستان وتصوير وكوشه ونقص وتظيف وصبغ و مسكة وطقم على حسب مهرك اخذي طقم شنط عشان تستفدين منها اذا سافرتي المكياج والملابس والشنط والجزم انتي بكرامه قللي منها اهم شي ركزي على الذهب و طلتك يوم العرس لا تنسين تبغين فلوس لك في شهر العسل ماتضمنين الرجال كريم وبخيل عشان اذا جيتي لااهلك ماتكونين فاضيه اليدين الله يهنيك في حياتك
0 تصويتات
بواسطة
اولا طلعي منه صدقه علشان ربي يبارك لك فيه ، جيبي ظروف واكتبي على كل واحد والميزانيه اللي تناسبه ، لا تتعدين المبلغ الا في حال الضروره ، الملابس والمكياج نصيحه لا تكثرين وسوي سلة لدولابك اللي تبينه حطي على جنب واللي ماتبينه صرفيه للمحتاجين للاجر ان شاء الله ، ابدي بالاهم اللي هم الفستان والمصورة والميك اب واذا حابه تعملي ليزر سلمي نفسك لعياده ممتازه واذا عندهم عروض حظك روعه ، وبالتوفيق
0 تصويتات
بواسطة
يفضل تكتبين لسته وكل ماخلصتي شغله حطيها عليها صح عشان تحسين بالانجاز
اول شي الذهب بعدين الليزر واي مشاكل بالبشره او الاسنان بعدين الملابس والجزم وحاولي تستغلين وقت التخفيضات والعروض وعن تجربه اهم شي ملابس البيت كثري قد ماتقدرين لان بيكون اغلب وقتك بالبيت وملابس كشخه وجزم وشنط للعزايم والطلعات وانتي تعرفين اكيد نظام اهل زوجك باللبس وغيره اهم شي شي انيق بشكل محتشم وبعدها ابدي احجزي الكوافير والمصوره وفيه اشياء بسيطه من الصيدليه لازم تكون عن كل وحده مقبله ع الزواج من غسول لغيره والاهم من هذا كله تصدقي منه ولاتنسين امك وخواتك بهديه بسيطة او مبلغ لو 500 والله يوفقك ويسعدك ويتمم لكم بخير
0 تصويتات
بواسطة
والله اذا اختي بنصحها ماااااااتكثر شيء ابددددد لانك بشهر العسل بتلقين اشياء تعجبك وبتشترينها واذا رجعتي وتسوقتي بتلقين اشياء تعجبك وتشترينها عكس المهر احيان تشترين اشياء مااقتنعتي فيها بس عشانك محتاجتها ثاني شيء دوري ع البدائل الارخص مثل اللانجري للامانه اذا اشتريتي غاليه راح تدوم معك لكن اذا تحبي التغيير لاتشترين غالي عشان بعد شهر تغيرين وماتملطن منها وهو مايمل بعد والملابس الداخليه نصيحه لاتكثرين لان احتمال تحملين بعد الزواج او بتغير جسمك وبتضطرين تشترين غيرها ملابس الزواجات يكفي واحد فخم وثاني ناعم ملابس الزيارات شوفي نوعية اهله اذا جمعاتهم دايم او قليله وتقضي ع اساس هالشيء
0 تصويتات
بواسطة
اكتبي في النت جدول تجهيز العروس بيطللع لك جدول كل شي مسجل فيه خذي الي تحتاجيه منه والباقي كنسليه وشي ثاني زي ماقالو لك لاتكثرين ملابس اشتري ذهب اكثر ووفري لك في الصراف مبلغ انسيه لوقت الحاجه ورتبي لك جدول للسوق مثلا انزلي يوم عشان ملابس النوم فرضا ويوم عشان حاجة ثانيه عشان لاتشتتي نفسك .. وموفقه وربي يجمع بينكم على خير
0 تصويتات
بواسطة
اول شي اشتري ذهب ، اشتري ملابس بس لاتكثرين ، اشتري نعل وشنط والافضل تشترين لون اسود لانه يليق على كل شي، وعالجي بشرتج  او جسمج اذا محتاجه  او اسنانج واول شي لازم تسوينه ليزز
0 تصويتات
بواسطة
طلعي صدقه من الذهب لماتطلعين تتسوقين و اشتغلي على نفسك تنظيف بشره وعنايه بالبشره وعنايه بالشعر وليزر و عنايه بالجلد وبعدها الذهب و ملابس الداخلية وملابس وبجامات وعطور وكوافيره ومصوره و فستان الفرح وفستان ثاني يوم اذا عندكم ثاني يوم جمعه اهلكم
0 تصويتات
بواسطة
نصيحه كل من تزوج يقول لي بقولها لذ لاتكثرين ملابس اشتري الاشياء التجميليه مكياج كريمات وعطور اسشوار وادوات الشعر اما عن الملابس خذي مثلاً ٣ فساتين كشخه و٢ ناعمات لو عزموك فجأه وكذا واشتري ملابس نوم وبيت وملابس لطلعات المشاوير بس لاتكثرين تكون كم طقم بس لان مصيرك بتشترين بعدين وخلي جزء للاكسسوارات والذهب وبقي جزء منه لك يعني حاولي ماتصرفينه ابدد واذا فيه مبلغ بسيط سوي مثلا جلسات تنظيف او تجميل بسيط اذا تحتاجين ونصيحه اكتبي الاشياء عندك بالملاحظات عشان تكون مرتبه وماتتخربطين
0 تصويتات
بواسطة
جيبي ورقه وقلم وحددي ميزانيه لكل كبيره وصغيره من ادوات تجميل لملابس للذهب طبعا يكون النصيب الاكبر لادوات التجميل للفستان والصالون والاكسسورات لاتنسي شي ابدا حتى لو صغير او قليل الا وتحطي له ميزانيه حتى المصوره  الاستشوار لاتنسي شي واصرفي على قد منتي محدده وان شاء الله راح يكفي
0 تصويتات
بواسطة
نصيحة مهرك خليه ف جيبك اشتري ملابس بشكل معقول و الافضل لا تسوين فيه عرس خذي لك ذهب و لا تاخذي من اللي مليان فصوص خذي من الثقيل و سوّي جلسات ليزر ازالة شعر بس لا تشيلي اماكن ما لها داعي افضل ع طبيعتك و لا تسوي خلطات و كذب خليك ع طبيعتك لان الخلطات تعدمك بعدين سوّي ف عيادة افضل
0 تصويتات
بواسطة
نصيحه لاتكثرين أغراض.. احفظي مهرك أو اشتري فيه ذهب من غير علم زوجك خذي لك طقم واحد ذهب وبناجر والباقي راح يجيك هدايا اهم شي خذي لك اشياء ضرويه لأول ست شهور من الزواج خذي عطرين أو ثلاث و مناشف و قمصان للبيت ولاتنسين الأرواب خاصه ادا كنتي ساكنه قريب من اهله وكم لبس للتماشي وكم لبس للعصريات وخذيلك بلايز وتنانير قصيره أو فساتين قصيره للبيت وتكون عمليه عشان تتحركين براحه في البيت ولبس العزايم وشنطة مشاوير وشنطتين للزيارات بالألوان الاساسيه والمكياج وشبشب واحد للبيت لاتكثرين والملابس الداخليه ولاتنسين طقم العنايه بالا ظافر  والكريمات زي الفازلين والفكس ولوازم الحمام وأدوات الشعر  الأغراض اللي تكثرين منها ولابد من ذلك الملابس الداخليه لأنها تتغير كل يوم وملابس الخروج .ولاتنسين العبايات خذي لك عبايتين وإذا ماعندكم فرح قريب لاتشترين فساتين اشتري عند زوجك إذا تزوجتي خذي زوجك للسوق واشتري اي شي ناقص خذيها قاعده يمكن يزيد وزنك أو تحملين بعد الزواج عشان كذا حاولي ماتكثرين ملابس
0 تصويتات
بواسطة
اول شي لازم الذهب وبعدين فستان الفرح وبعدين التنورات والبناطيل والبلايز  وقمصان النوم وكم فستان حق زواجات والعطور والمكياج والجزم والشنط وشويه اكسسوارات
0 تصويتات
بواسطة
.. جهزي كالتالي : مبلغ للذهب خلي للذهب نسبة عشرين لخمس وعشرين بالمية من المهر ولا تخافين هذي ضمان لك لما تجين تشترين الافضل تاخذين ذهب صافي بدون فصوص يبقى لك للعمر و لما تحتاجين تبيعين منه يجيب مبلغ اما اذا ما تحبينه ممكن تشترين طقوم ناعمة على ذوقك واحد يومي نااعم للصباحية و اثنين للمناسبات ابيض او اصفر براحتك و باقي الفلوس حطيها بحساب في البنك ثانيا : عنايتك بنفسك استثمار و اقصد عالجي المشاكل اللي عندك ترا اهم من الكشخة  نظافة اسنانك ولونها مشاكل بشرتك لو شعرك كثير و محتاجة ليزر . لو شعرك يتساقط او خشن جدا و يحتاج بروتين لو محتاجة تقشير ركب و اكواع . وهكذا روحي عيادة وعالجي مشاكلك اول واخيرا مبلغ لا يقل عن٣٥٠٠ ويوصل خمسة ف بعض الصالونات للعناية النهائية يوم الفرح من بديكير و مساج و حمام مغربي تجي بكج مع التسريحة و المكياج . ثالثا: روب الدخلة الافضل روز او اوف وايت و يكون طويل مع سليبر و اكسسوار شعرك و عطرك و حلو تحطين خمرية مخمل على يدك و اماكن النبض و كواية بخار هذي جهزيها من بدري ف شنطة صغيرة اذا رايحين ع فندق + فستان صباحيتك انتي حرة باللون والموديل الافضل لون مشرق وفرايحي + و كم لبس حسب مدة اقامتك او سفرك و في السفر خليك بسيطة كثري تيشرتات عالجينزات اذا مسافرة و اذا مقيمة كثري بجايم ولبس بيت رايق ولانجري وكثري الاندروير اكثر من ٧ طقوم منوعة بين العملي من بيج وابيض واسود وبين الساتانات و الدانتيل اللي تلبسيها عنده واخيرا شوفي وضع حمولتك و الزيارات اذا ماهم قريبين منك لا تكثرين ملابس رسمية كفاية طقمين او ٣ حلوة لاي مناسبة طارئة و فستان لأول زواج او مناسبة او عشاء بعد زواجك و رجعتك من شهر العسل و فصليه على مزاجك
0 تصويتات
بواسطة
اهم شي حطي بحسابك 10 لاف لنفسك لا احد يدري عنها بذات زوجك  الملابس 5000 والباقي بتسافرين اشريها معه  الذهب 15 الف  الفستان والكوشه واتباعه تصوير ع حسب ميزانيتك خوذي فستان اجار احسن لك وبعض لارست يبالغن اذ درن انك عروس يحطن مبلغ 5000 ع الميك اب مادري مكياجهن ذهب المهم وفري انتي القطن او يكون شغلها جديد عشان ما يتحسس بشرتك اهم شي اتركي معك مبلغ في حسابك
0 تصويتات
بواسطة
اسمعي ونصيحه اشتري اللي خاطرك فيك اولاً ،، ثاني شي لاتكثرين معك ناس بالتقضي اخذي شخص واحد فقط علشان ماتنحاسين وتدفعين اخر شي مايبقى شي للحجوزات / تقضي كل شي قسميه على 3 فساتين تنانير بناطيل وعلى حسب اذا عندك شي جديد ينلبس ضيفي له والله يوفقك ويهنيك
0 تصويتات
بواسطة
اول شي ذهب بعدين ملابس النوم والقمصان وبجايم وخذي ملابس كشخه لكن قليله لاتكثري نصيحه واشتري جزم وشنط كمان لاتتكثري خذي الاسود والبيج. والبني لانها تناسب كل الالوان واهم شي مكياج وممنظفات زي غسول فم وغسول وجه وغسول للمنطقه الحساسه ومعجون وشامبو وكريم وفوط يوميه هذي مهمه وفستان زفافك وتحجزي للمكياج والتسريحه والتصوير العطور خذي كم عطر فخم وريحته حلوه ولاتنسين المسك حلو وريحته خيال وسوي كم جلسه ليزر واذا حابه ويكفي المهر سوي كمان توريد شفايف وتشقير كربوني وسوي فلر للشعر اذا شعرك خشن او جاف لاتوزعي مهرك كله ببملابس بس وكمان خذي مفرشين لسريرك هذي مهمه كمان وربنا يوفقك ويسر لك
0 تصويتات
بواسطة
في البداية الف مبرووووك والله يتمم لك على خير  شوفي حبيبتي  خذي لك ظروف  وعلى حسب الحجوزات والاحتياجات حطي بكل ظرف المبلغ المطلوب واكتبي عليه مثلا التصوير شوفي كم تاخذ عليك وحطي المبلغ حقها بظرف الكوفيرة كم راح تاخذ وحطي مبلغها بظرف كورس العروسة اتفقي معاها وشوفي المبلغ المطلوب وحطيه بظرف بعدين احتياجاتك  مثلا شيء ماركة ويدل على انه غرض عروسة  كالتالي  1 - ساعة فخمة 2 - طقم شنطة مع جزمتها  3- فستان فخم رايق طويل لمناسبة بعد زواجك او طلعتك بعد الزواج  4- عطر فخم هذي لطلتك بعد الزواج شوفي كم سعرها وحطي مبلغها بظرف بعدين ظرف للمكياج والعطورات  وطقمين كاملة من بدي شوب او زهور الريف وحطي عليه المبلغ المطلوب ملابس داخليه برضوا حطي لها ظرف وشوفي كم تحتاجي والمبلغ المطلوب  ملابس الخرجة والتمشيات ولا تكثري كم تنورة مع بلوزتها وكم بنطلون مع التيشرت حقه. برضوا حطي لها ظرف واكتبي المبلغ المطلوب  2 عباية وحدة فخمة عباية عروسة للمناسبات وطلتك بعد الزواج وعباية تتمشي وتطلعي فيها وحطي لها المبلغ المطلوب شكلي جزم وصنادل مابين واطية ومتوسطة الارتفاع بالوان تستخدميها  مع كم شنطة وحطيها بالظرف واكتبي عليها المبلغ واغراض الدبش طقم شنط وثلاث صناديق خشب  وشنطة ذهب وعلاقة ملابس وتلبيسات لحفظ الفساتين حطي مبلغها بظرف وشوفي المبلغ المطلوب واحرصي انك ما تزيدي على المبلغ اللي حطيتيه بالظرف او تسحبي منه عشان ماتخلبط عليك الحسبة  وياليت تخلي مبلغ بسيط لك في حسابك ماتدري عن الظروف بعدين ولا تكثري ملابس بالمرة واذا ملابسك اللي تستخدميها الان حلوة وتنفع خذيها معاك  واتمنى لك حياة سعيدة وزواج موفق ويارب تطلعي اجمل عروسة
0 تصويتات
بواسطة
اهم شي لاتكتري من الشراء لبس لانجري لانه جسمك بتغير بعد الزواج اولا ثانيا زي ماقالوا كل اسبوع ينزلوا اشياء جديده اشتري ذهب احسن شئ وبالتوفيق
0 تصويتات
بواسطة
مبروك والله يتمم لك على خير.. أولا سوي جرد لأغراضك الموجودة أكيد في فساتين وتوابعها على لبسة أو لبستين وفي بدل عملية وكذا زينة  مو عروس يعني تقطين كل عفشك وتآخذين كامل جديد بس كملي النواقص في الثياب الخارجية وحطي في بالك لا تكثرين لأن بعد الزواج غالبا مقاسك بيتغير المكياج كذلك شوفي الموجود وكملي النواقص بس الملابس الداخلية واللانجري لا هذي بتكون كاملة جديدة وبتحتاج شوي مبلغ حطي ورقة وقلم وسجلي مصاريف ليلة العرس من فستان واستوديو وخلافه واعزلي المبلغ والباقي وزعيه بين المكياج والعطور والملابس بالمعقول وحاولي تقتصدين بقية المهر كله حطيه في الذهب

استفسارات متعلقة

0 إجابة
كُتِب ديسمبر 11، 2023 في تصنيف استشارات زوجية بواسطة مجهول
...