في تصنيف استشارات اجتماعية بواسطة

حبيت عائله وحبيت بنتهم بس ما اعرف سبب رفضهم لي ولله الحمد متوظف و محافظ ونفسي نفس اي واحد لكن بعد ما صار رفضهم ارسلت لهم خاطب جديد بعدي وعرفوا هم انه مني عاد راسلني ابوهم يتشكرني ويثني لي بس بيني وبينكم ما اعرف اتقدم لهم مره ثانيه لان اللي ارسلته برضه رفضوه، وش رايكم؟

25 إجابة

0 تصويتات
بواسطة
عطهم على بلاطه دق عليه قل أنا شاريكم وبنتكم بعيوني وخاطري بالبنت وكل ماأستخيرماأشوف غيرهاقدامي نفسي فيهاشاوربنتك خلهاتستخير
مره وثنين وعشر أنتظر منك رد ولها المهر اللي تبي وطلباتهاأوامروطمعهم فيك
لاأخذتها أشكمها قل لها منه عليك اللي أخذتك مسويه زحمه ياأخرحبه
0 تصويتات
بواسطة
عادي هو حاب العائله وبناء على ذلك حب يناسبهم ولما ماحصل نصيب ارسل ثاني عليهم طبيعي جدا تصرفه دليل على أنه مؤمن ان الزواج قسمه ونصيب ودام ماحصل له الشرف بمناسبتهم حب الخير لصديقه
0 تصويتات
بواسطة
والله ماني فاهم
يعني رحت لواحد قلتله عند فلان بنت ولا شلون وهل الخاطب الجديد قالهم انا من طرف فلان ؟
اشياء كثيره غلط
0 تصويتات
بواسطة
انت لو تحب البنت صحيح ماترسل احد لها يخطبها لنفسه

ولكن لاتبحث عن سبب الرفض خلاص رفضوا يزوجوك وانتهينا
الاسباب يممدكن تزعلك ويمكن تشوفها انت غير منطقية لذلك لاتبحث في امور لو عرفتها يمكن تسوءك
0 تصويتات
بواسطة
اللي خلقها خلق مليون منها وأحسن
ليه الرجال يحب ينشب بالبنت اللي ترفضه
خطبت رفضوك خلاص لا تحاول لو ايش
ما يتغير الرفض لو تغير بدون نفس وعن
طريق ضغط على البنت وهذا الشيء
مو من مصلحتك
0 تصويتات
بواسطة
العيش في شك وتفكير مؤلم اكثر من المشكلة نفسها..اقطع الشك باليقين وتحدث إلى والدها مباشرة واطلب البنت مرة أخرى واسترح.
والمفترض ان معرفتك بهم تساعدك على توقع  ما حدث، هل جاء الرفض من البنت ام الاهل.
فإن كان من البنت فأعتقد ولا تجرب مرة اخرى، فربما هي مشغولة باخر.
0 تصويتات
بواسطة
ي الطيب دور نصيبك في مكان ثاني،
البنت م تبيك ي جماعة الكرامة وعزة النفس فوق كل شي وقبل الحب والقرابة والصداقة واذا راحت والله م عاد لك قيمة بعيون نفسك قبل عيون الناس وإن حياتك تحت الأرض اشرف من فوقها،
إلا إذا الكرامة عند البعض ماهي بقاموسه فعادي اتقدم مرة واثنين وثلاثمية
0 تصويتات
بواسطة
نصيبك وانتهى لاتعلق نفسك بشي مومكتوب لك
وخلي عندك عزة نفس وكرامه ماتم التوافق والقبول فيما بينكم خلاص انتهى الموضوع
الحياه ماتوقف ع احد ابدا شوف غيرهم
0 تصويتات
بواسطة
ماعندي .. رأي لك   
لأن مثل هذا  الموضوع يحصل مع الكثيرين .. بس بعضهم يتحفظ بسبب أمور أمنيه عفواً  أقصد لأمور نفسية وأجتماعية مستقبلية ..

فاأنت أقلب الصفحه .. وأبدأ من أول السطر
وبحث عن فتاااة غيرها
0 تصويتات
بواسطة
مو شرط الرفض يكون نقص بشخصيتك او عيب فيك ربما فعلا من تقدمت لخطبتها قلبها مع شخص اخر وتنتظره والاهل عرضو الموضوع عليها ورفضت خلاص اصرف نظر تماما عنهم مالك نصيب
0 تصويتات
بواسطة
عزيزي اذا كنت لايعيبك شي وتم رفضك من قبل البنت فإياك ان تعود فالاسباب ليست جيدة فقد يكون قلبها معلقاً بغيرك وهذا ارجح الاسباب ولن تهنأ معها بالعيش فانفذ بجلدك فانت رجل تستطيع طرق بيت كل يوم
0 تصويتات
بواسطة
ما ادري وش جوك
ولكن اعتقد يبغالك إيقاف خدمات منت بصاحي.
نفسي تسلفني مخك اجربه يومين اشوفه كيف يفكر.
0 تصويتات
بواسطة
رفضوك انت ومرسولك وباقي تبي ترجع مرة ثانية !
ليش !!
معاييرهم للزواج ما تنطبق عليك ولازم تحترم هذا الشيء.
0 تصويتات
بواسطة
جرب اخطب مره ثانيه
واذ ماوافقوا خلاص اصرف نظر ولا تجيب لهم عريس
بس حكاية انك ارسلت لهم واحد طيب لو قبلو به وانت رفضوك بتتحسس اكثر وبتقول اش معنى انا رفضونى
0 تصويتات
بواسطة
وممكن خيره لك
البيوت مليانه بنات
خويي خطب ٦ مرات وتم رفضه وهو رجال ونعم واكرم
المره السابعه مشت اموره وتزوج والله عوضه
0 تصويتات
بواسطة
وترسل واحد ثاني جس نبض متاثر بروتانا سينما

.. تخيل وافقوا على خويك وسحب عليك وتزوجها
وش موقفك ذاك الوقت
0 تصويتات
بواسطة
الموضوع مو مرتبط منك ممكن منهم يمكن البنت ماتبي تتزوج مو شرط رفض مرتبط فيك ممكن افضل الرجال بس ما يبون
0 تصويتات
بواسطة
رفضوك
ودزيت واحد يجربهم
وعرفواااا!!!
اذا رحت مره ثانيه اتوقع بطعموك ضرب ما اكلت بحياتك
0 تصويتات
بواسطة
الزواج قسمه ونصيب مرفوض من اول مره اكيد في سبب ما ودهم يجرحونك من رأيي  لا تفتح الموضوع مره ثانيه.
0 تصويتات
بواسطة
الرفض لا يعني انه فيك عيب!
تعرف الراحة الي شعرتها معها لما شفتها؟ قد يكون هي ما شعرت بهذا الشيء ... او انها محتارة او او او ...
واضح ان الاسرة لطيفة وانت لطيف... اذا ودك تخطب منهم مره ثانية لا يمنع ... استخر ثم توكل على الله ثم كلم ابوها
0 تصويتات
بواسطة
ابوهم راسلك يتشكرك على ايش ؟ طيب هم رفضوك ليش ترجع مره ثانيه دامه ماقالوا لك سبب الرفض واقتنعت دور غيره البيوت مليانه
0 تصويتات
بواسطة
وش رأينا ؟!!
البيوت مليانه بنات والعوائل الطيبة في كل مكان .
ممكن البنت ما تبي الزواج الحين ..
بتحصل نصيبك والله يوفقك
0 تصويتات
بواسطة
عافوك مالك فيهم
اطرق باب ثاني احسن لك
0 تصويتات
بواسطة
الدعوى ماهي غصب ياخي خلاص رفضوك اصرف النظر والتفكير عنهم
0 تصويتات
بواسطة
انت موسوس بزياده
رفضت لسبب ماله علاقه بشخصك إطلاقاً

استفسارات متعلقة

...