انفصلت عن زوجي؟ هل اترك اطفالي؟ مسؤولة عن عيالي

Question

عندي 3 أطفال وعمري 30 سنه لدي وظیفه جيده انفصلت عن زوجي، هل ارعى اطفالي ام بعطيهم لابوهم ظلمني كتير واستغل اموالي ومايحبني هذا سبب الانفصال هل بترك اولادي ولا أتحمل مسوليتهم علما أعمارهم صغيرة تحت ال5 سنوات وبخاف مابقدر عليهم لوحدي

Answer 1

لاتتخلين عنهم وهم بهذا العمر يحتاجونك اكثر من اي شخص اطفالك اذا ابوهم مااحسن لهم كوني انت الام والاب حرام مالهم ذنب

Answer 2

انت ام وكلكم راعً ومسؤل عن رعيته موظفه واكيد بتاخذ نفقه من ابوهم.  مادياً ماعندك مشكله.  انا ماتخليت عن عيالي في ظروف قاهره.  لاني جبتهم ومسؤله عنهم ابوهم راح ياخذ جزائه. لكن الام لها دور.ولها مسؤليه. بعدين عطيهم حنانك اقل من خمس سنوات. شي يقطع القلب اش ذنبهم بيعشون زي باقي الاطفال.  واذا تعرفين ابوهم مو قد المسئوليه لاتسلمي فلذه كبدك لاحد.

Answer 3

تخيلي انك طفله وامك انفصلت عن ابوك وتخلوا عنك كلهم ايش شعورك  حرررام الاطفال يعيشوا مشاعر الألم ويتعذبوا هل تعتقدي ان ابوهم صالح لتربيتهم وهل راح يكونوا مبسوطين معاها واذا ابوهم تزوج وعاشوا مع زوجه اب وبهذلتهم ايش شعورك انتي لاتتخلين عن اولادك ابدا انت مسئوله عنهم بما انك قررتي انجابهم فانت مسؤولة عنهم حتى يعتمدوا على انفسهم

Answer 4

ليش زوجك ايش دوره كان ينومهم ويذاكر لهم وينتبه لهم يحضر الاكل لهم.. لا.. يجي يشوفوه يسدد اجار النص اتوقع دام قلتي م يحبك ولاراتبك يتحكم فيه.. تقدري انتي ام الان ولست زوجه.. بريهم وربيهم واحسني م تودي ان يرد اليك عند الكبر والضعف والوهن.. انتي عندك اغلى شي فالدنيا ونعمه ربي عطاكي هم ادعي ربي واطلبيه يساعدك فتربيتهم وتنشئتهم..

Answer 5

الام الحقيقية ما تترك اعيالها ابدا كيف يهونون عليج بعيد عنج هو عنده رب يحاسبه اذا ظلمج و ظلمهم و انتي تبغين بعد تظلمين نفسج و تظلمينيهم بتخليج عن مسؤوليتج معاهم كأم

Answer 6

اولادك لا تتركيهم حتى لو تزوجتي اشرطي على زوجك الجديد  يقبلك باولادك  مدامك قادره ماديا خوذي لهم شغاله مع كاميرات مراقبه في البيت  وتقدرين  تراقبي مايصير على اولادك وبيتك من عملك  وتزوجي لو مسيار حتى يكبروا عيالك ويعيشون مرتاحين

Answer 7

دام وظيفتج جيدة يبي مربية تمسكهم وقت وظيفتج ليش تصعبين الأمور تتوقعين بيهتم فيهم عالآخر؟ اذا انتي ما سوالج قيمة بيسوي لعيالج؟! ولا تبين تتركين دور الأم و تعيشين حياتج؟ ها يسمونه الأنانية خافي الله ف عيالج مالهم ذنب

Answer 8

وش دراك ان لا تخليتي عنهم بتزوجين وتجيبين عيال يمكن هذه الزوج هو نصيبك ومقدرك ان ماتزوجين مره ثانيه واذا تخليتي عنهم وبعدين رجعتي تطالبين بهم يرفض زوجك يقول انتي تخليتي عنهم ولو قدر تزوجتي يمكن الزوج اللي تاخذيه عقيم او تصير عندك مشاكل بالحمل وماتخلفين وتقعدين بحسره واصلا لو تخليتي عنهم راح تحسي بفراغ وتحنين لهم لانك متعوده عليهم بس لا فقتي من صدمت الطلاق بتحسين فيهم الا اذا كنتي معتمده على الخدامه في تربيتهم وانتي من يوم تجين من الدوام طللعات وكافيهات واسوق وماتشوفيهم الا وقت بسيط والا وهم نايمين عشان كذا منتي حاسه بشغف الامومه وحنان الام وخوفها

Answer 9

خذي حضانتهم وخلهم عندك وطالبيه بنفقتهم منها تكوني بردتي قلبك ومنها اهتميتي بعيالك

Answer 10

اي اعطيهم ابوهم عشان زوجة ابوهم توريهم انواع العذاب يكبرون على ضيم وقهر ياختي ضحي بكل شي الا عيالك

Answer 11

كافحي. واجتهدي.  من اجلهم هذولا هم الثروة الحقيقيه.  والله بيعطيك القوة.  ربنا يقول اسعى ياعبدي وانا اسعى معاك

Answer 12

شيلي أولادك بكره ينفعونك محد يشيلك الا هما وتذكري هل جزاء الإحسان إلا الإحسان.. ان أحسنتي لهم راح يحسنوا لك والعكس كذالك

Answer 13

لاتقهروا بعض بالاطفال اطفالك راس مالك لاتفرطي فيهم لو رميتيهم عليه ماراح يرفض بس راح يتبهذلوا بعدك لانه بيرمي مسؤوليتهم على اهله او زوجته اذا تزوج فكوني نعم الام لهم وبتلقي برهم باذن الله اذا كبروا

Answer 14

الا عياااالك لاتخلين الحياه تغربلهم ويحتاجونك وانتي عايشه عالدنيا بكره الصغار يكبرون و يروح التعب ، امانه لاتتركيييينهم مافي مثل الام لاتندمين

Answer 15

طالبي من المحكمة ب مصروف للاطفال وتكفله بكسوة غير المصروف ودفع جزء من الايجار

Answer 16

وانتي تحسبين لاسلمتيهم لابوهم بترتاحين بتبكين بدل الدموع دم .. الا ربيهم تحت حفظ الله ثم جناحك والله يعينك ويساعدك باذن الله .. ولاتنسين نفسك عيشي حياتك الخاصه واختاري صح وبشروطك .. وبالتوفيق

Answer 17

يعني انتي ام وخايفه ماتقدري عليهم هل وهوا رجل يقدر عليهم في النهايه راح يجيب لهم زوجة اب ياتكون ظالمه يا تكون حنونه تبغي اطفالك ايتام بوجود ام على قيد الحياه خافوا الله في عيالكم الام تضحي بعمرها عشان طفلها ينشاء سعيد

Answer 18

انصحك لا تتركى عيالك وباذن الله ربنا يوفقك اخذى نفقة جيبى شغالة لهم ابدا لا تتركيهم ولما يكبروا بتشوفي حصادك

Answer 19

عيالك يعوضونك اصلا ويوقفون معك. لاكبروا مومثل ابوهم لاتتحطين صوره ابوهم. فيهم حرام مالهم ذنب الاطفال. مايستغنون عن امهم، الاب مايهتم كثر الام.

Answer 20

عيالك خليهم عندك انتي احن عليهم وتعبتي عليهم اذا راحو عند ابوهم راح يقسون عليج وتحتاجينهم لاكبرتي وتعبج وحملج يروح هدر لا خذيهم عندج و اجبري ابوهم يدفع لك مصاريفهم حتى ايجار السكن يدفعه انتي ام حاضنه ولا قولي بشتكيك حلي الامور وديا واذا مانفع الجي للقضاء

Answer 21

انت كبيره وتالمتي من شخص وتبغي تذوقي الالم والقهر لثلاث اطفال من لحمك ودمك وتعيشهم المرر وصدمتهم باامهم الي مااحنت عليهم،ولاتقولي مااقدر المراه قويه وتتحمل الصعاب عشان عيالها

Answer 22

اولاً /هو مسؤوليه بس مدام معاك مال ووظيفه ماراح تكون متعبه. التعب لو ما كان معك مال ووظيفه وتجلسين تطاردين ورا مصروف ونفقه. ومايمنع. يرسل مصروفهم عليك ويقوم بشؤونهم. الي تحتاج وجوده قسمي المسؤوليات بينك وبينه اذا متفهم. ويستوعب ان حياتك معه انتهت بس دورك ودوره وعلاقتكم كأم وأب باقيه للابد بوجود هالاطفال نادراً الي يفهم هالشيئ واذا هم من النوع الي مايفهم كنسلي هالفكره وقومي فيهم. وكوني ام واب لهم ثانياً  والاهم.  هم  بهالسن في حاجة الام اكثر الله يحفظهم لك

Answer 23

اعوذبالله اوعي اوعي تخلين عيالك عند احد غيرك يارب وين وصلنا بهالزمان سمعيني زين عيالك لو ماعندك وظيفه ربك الرزاق ويبارك بعيالك عيالك هم حصادك عيالك كل راعي مسؤول عن رعيته وتتحاسبين ليوم الدين وهذيله امانه ربي عطاك اياهم صوني الامانه حرام عليك تكسرين فيهم وتدهورين مستقبلهم مهما الابو رباهم وعطاهم وحبهم حنان ولمه وضمه الام ماتعوض ابدا

Answer 24

الا عيالك شوفتهم ووجودهم معاك راحه لك ما اعرف كيف فكرتي كذا يمكن جنن فيك لان هم ما وراهم غير الهم ووجع القلب والمرض

Answer 25

هو الي ظلمك مو الاطفال الابرياء تبغي تحاسبيهم باغلاط ابوهم ؟؟!!! لو انهم كبار وشايلين نفسهم اقول معليه يجلسوا عنده يلبي احتياجاتهم الي اغلبها حتكون مادية اما اطفال صغار مايبغوا الا امهم كيف تفكري تبعديهم عنك !!!!! بالله تقدري اصلا ؟! عندي طفلين اصغر من ٥ سنوات ما اتخيل اخليهم عند احد وما يكونوا تحت عيني الله يحفظهم من كل شر صغااار هدول احب ما عندهم واقرب شخص لهم الأم كيف تتخلي عنهم شوية رحمة