في تصنيف استشارات زوجية بواسطة
انا متزوج من سنه وزوجتي ماهي مقصره علي بشيء وهي مقبوله ولكن انا ماقدرت اكون معاها مبسوط وسعيد وكثير مرات احس اني استعجلت بالاختيار وهي ممكن انها حاسه بالشيء هذا وانا كلامي قليل مره وهي عكسي وصرت اتهرب منها وكثير مرات تسألني انا فيني شيء مو عاجبك انا مقصره بشيء وفي كل مره جوابي لها ابدا مافيه شيء ومستحيل اعلمها باللي داخلي لان هي مالها دخل ولا هو شيء ممكن يتعدل عشان اجلس معها ونتكلم و لا اعرف ايش اسوي ومن الظلم اني اتركها كذا بدون اي سبب صريح ، وخايف اتزوج ثانیه ولا ارتاح واعيد نفس الخطأ فعجزت ارضي نفسي بحل م يكون ل احد فيه ضرر

29 إجابة

0 تصويتات
بواسطة
اهم شي القبول بين الزوجين مثل ماقال الرسول صلى الله عليه وسلم  كثير من الرجال مو عاجبه شكل زوجته او يتمنى جميله لكن ماحصلت بس عاد قابل زوجته ويتعامل معها عادي وقابلها اما كذا تتهرب منها حرام عليك بيصير عندها ألم داخلي. ترى الزوجه تفهم اذا زوجها قابلها ا كارها  انت قلها مانبي عيال حاليا وانت شف نفسك إذا وجرب تتعامل مها واضغط على نفسك وشف تقدر ولا لا. وبها لفتره لاتبحلق بالسناب والتواصل الاجتماعي ك اذا مانفع ومااستطعت  الطلاق  افضل  لأنك بعدين بتهملها وتستاثم ببنت الناس
0 تصويتات
بواسطة
ياخي شف روحها تعمق معها اجلس معها سولف اضحك راح تكتشف اشياء انت معمي عنها العمى بالقلب مو بالعين يا استاذي العزيز
0 تصويتات
بواسطة
احس هي مالها ذنب بتفكيرك انت اسال نفسك وجواب ليه منت سعيد معاها اذا تدور ع الكمال ماراح تلقى. اذا يهمك رأي الناس بتتعب ولاتقارن حياتك باحد
0 تصويتات
بواسطة
انا موعارف وش تبي اجلس مع نفسك حاور نفسك و راح توصل للراحه اللي تبي اذا رضيت بقضاء الله و قدره تكون اسعد الناس. ارضى و احمد و اشكر ربك على النعمه اللي انت به شف النعمه رددها بينك و بين نفسك شف وش يخليك تحبها عشانه و بعد ماتقرر صارحها بقرارك و اسمع منها.
0 تصويتات
بواسطة
احمد الله اذا بنت صالحه واسجد سجود شكر وحاول تقنع نفسك داخليا انك تحبها  اعرف واحد زيك وفرط فيها  وبعد ما راحت ندم ندم عمره وحاول يرجعها بس ما قدر وللآن شف له سنين ومتزوج بس ما قدر ينساها بانها فعلا كانت زوجه صالحه وبنت طيبه ومافيها عيب فتعوذ بالله من الشيطان وشف مميزاتها وراح تحبها معى الوقت وتتعلق فيها دامها تحبك
0 تصويتات
بواسطة
مو لازم ترتاح اغلب البيوت قايمه عالمودة قول الحمدلله ومع الأيام بتتقبلها لسه سنه طبيعي بتتعود عليها وبيتغير الحال للأحسن ان شاءالله الزواج ماهو لعب ماناسبني ادور اللي بعده غلط والراحة في الجنة ان شاءالله
0 تصويتات
بواسطة
اللي تمر فيه شيء طبيعي ، مرحلة شك وقلق وشعور ان كان ممكن تلقى نصيب افضل وتكون اسعد .. ترا اغلب الناس يمرون فيها وحالة معروفه ، فترة وتعدي
0 تصويتات
بواسطة
دامها بكل هذي المميزات ليه م تحبها شيل هذي الفكره من راسك وصدقني راح تحبها وبسهوله دامها م قصرت شوف إيجابيتها حاول تقنع نفسك إن كل شيء فيها جميل أحمد ربك مو سيئة الخلق
0 تصويتات
بواسطة
باختصار انت مب قنوع ولا تحمد ربك على النعم اللي حولك و شيطان يوسوسلك انها مقبولة ف عيونك مب جميلة و النفس أمارةً بالسوء ف تعوذ من ابليس و عاشرها بالحسنى
0 تصويتات
بواسطة
اكيد فيه شيء مخليك مو متقبلها راجع نفسك البلا منك مو منها وحط في بالك ان الشخص الزين يجي مره وحده بالحياة يعني لاتفكر اذا انفصلت عنها بتجيك اللي تهتم وتراعي شعورك لا مستحيل
0 تصويتات
بواسطة
سعاده الانسان تنبع من داخله انت مو راضي عن نفسك داخليا عشان كذا مو متصالح مع اللي حولك الحل تتصالح وتتقبل وضعك
0 تصويتات
بواسطة
نحن بشر والكمال مستحيل فإذا كانت الايجابيات تطغى على السلبيات خاصه في الامور الاساسيه بالعلاقه فالحمد لله وشكراً له لكن للأسف ادعاء الكمال في بعض البشر يحسسه انه مايدري متى يلقى اللي يملى عينه
0 تصويتات
بواسطة
انت اللي مثلك غلط احد يزوجه يا استاذ هذا زواج اذا مو مرتاح ممكن تاجل موضوع الاولاد شوي اما انك بعد سنه وحده قررت انها ما تناسبك وتفكر تتزوج الثانيه هذا خطأ انت ماقلت لنا بالضبط زوجتك ايش مشكلتها ايش عيوبها وانت ايش عيوبك ايش مشكلتك
0 تصويتات
بواسطة
الله يألف بين قلوبكم ويجعلكم قرة عين حق بعض اخوي اول الحلول شيل فكرت انك استعجلت وأنه ماهي معجبهم وركز ع الإيجابيات
اهم الإيجابيات صاينتك محافظة عليك تلبي رغباتك وتهتم في نفسها وفيك وفي الأكل والمشرب والتنظيف والأهم من ذا كل محترمة اهلك
هذي ما تلقى مثلها عملة نادرة صدقني شيل الأفكار السلبية وراجع نفسك وتذكر ان الله خلقنا لابس لبعض ستر وغطا
نصيحة يا خوي لا تظلمها بكرة تسدد دينها في بناتك ورب البيت كل شي له ثمن الا الظلم ثمنه نار وحره
0 تصويتات
بواسطة
لانك في قرارة نفسك رافضها عشان كذا تحس انك مانت متقبله وأنت قلت بنفسك أنها مو مقصره معك يعني المشكله عندك أنت أرضى فيها ترى الرضا يخليك تعيش مرتاح ولك سنه يعني خلاص المفروض تعيش حياتك معها سافروا غير المكان يمكن نفسيتك تتغير وهذا خير لك يوم تزوجتها احمد ربك ودللها مادام هي كويسه غير نفسك عشان تعيش بسلام
0 تصويتات
بواسطة
ابتعد عنها لمدة اسبوع سواء سفر ولا غيره وجرب تشتاق لها والا لا اذا ماتشتاق لها فلا تظلمها واذا اشتقت لها ولو قليل ففي بذرة حب والله يوفق الجميع لان الي مثلها صعبه خسارته
0 تصويتات
بواسطة
حاول انت تخليها تسوي الي تبغاه علمها بطلباتك مو عيب الشي ذا بيدك انت ويش الي ينقصها اذا اهتمام علمها اذا لبس نفس الشي ويش تحب تلبس قلها اذا تحب شعرها بطريقه معينه حتى المشاعر الي بينكم تقدروا تتفاهمو مع بعض ويش تسو ويش يحب الثاني ترى الزواج مو طبخ وتنظيف الزواج عشره وصله تكتمل بالتفاهم والاهتمام والمحبه والموده والرحمه
0 تصويتات
بواسطة
ولا تمد عينك للخارج اتعلم الرضا احمد ربك ولا تصدق المعروض في السوق ما كل مايلمع ذهب كله مكياج وشو واصلا يمكن انت مو برفكت مئة بالمئة افتح قلبك لزوجتك واترك عنك وسوسة الشيطان
0 تصويتات
بواسطة
هذا الشيطان يبي يخرب بيتك كل ماتفكر انك أو مجرد احساس ماتتقبلها بس توضأ وصلى ركعتين وادعي ربنا يبعد عنك هذا الاحساس واقرا معوذات وسورة الكرسي يتغير احساسك لان انت بعد حطيت شي بداخل عقلك صار شي يزيد عليك غلط بالعكس تقبلها لان حرام تظلمها دام مو مقصرة ومعاك وانت اخترتها الأفضل شي الدعاء والصبر لعله الله يحدث بعد ذلك أمرا الصبر جميل
0 تصويتات
بواسطة
اتق الله ببنت الناس والحريم كلهن يتشابهون الا بااخلاقهم  امسك باللي اخلاقها كويسه وتخاف الله وتعينك ع هالدنيا وتريح بالك  وغض بصرك راح تحب زوجتك حط تحتها خطين
0 تصويتات
بواسطة
دام مافي حب حتى بعد المحاولات والوقت الطويل مستحيل يتغير شي الافضل تتركون بعضض وضروري فتره الخطوبه تطول وتعرف الاعجاب من الحب عشان بعدين ماتندمون
0 تصويتات
بواسطة
شوف كذا مهما تزوجت محد بيملي عينك مافي احد كامل كل شخص عنده عيوب بس بعد عنده مميزات وهذي تطغى على العيوب ومع الزمن والعشرة بتحبها
والله يألف بين قلوبكم
0 تصويتات
بواسطة
تكلم و سولف معاها بالسوالف والضحك مع بعض بتحس بالمحبة و الانجذاب لها وسل الله دائماً أن يحببك فيها لأن القلوب بين اصبعين من أصابع الرحمن يقلبها كيف يشاء
0 تصويتات
بواسطة
السعادة بحاجتين الرضا والقناعة ،، علم نفسك ترضى وتقنع عشان تكون سعيد وراضي ،، وتراها شايفة فيك اشياء زي ما انت شايف فيها بس ماتقول لأنها تشوفك بعين محبه ،، العين المحبه عن كل عيب كليلة ،، احلى شي الرضا الرضا الرضا والدعاء بالتوفيق والبركة  وكل وحده حتاخذها حتلاقي فيها عيب لانه عينك ناقده
0 تصويتات
بواسطة
اذا ما عندكم اطفال قرر قرار نهائي يا تكمل معاها او تنفصلون لا تظلم البنت معاك ممكن تلقى شخص غيرك يحبها ويشوفها كل حياته وبنفس الوقت افضل من تنتظر حتى يكون فيه اطفال ويكونوا هم الضحيه الزواج مو لعبه وانت لا تتزوج لين تكون قد المسئوليه ويكون باختيارك انت وتكون مقتنع باللي تختارها
0 تصويتات
بواسطة
صارح نفسك قبلها اكيد فيه شي داخلك مو مرضيك مخليك تايه وضايع مو عارف تحدد وجهتك وترا ربي مقلب القلوب سبحانه يمكن ماحبيتها لان المحبه من الله مو شي بيد الانسان يختاره بس لاتظلمها حرام
0 تصويتات
بواسطة
قول الحمد لله لقيت وحدة مناسبة في كل شي والشي اللي مضايقك حاول تصارحها فيه... انت تبغى تسمع ايوا طلقها عادي عشان ماتحس بالذنب.. بس الحقيقه انت مو مقدر للنعمه صارحها وحاول تحبها فعلا
0 تصويتات
بواسطة
انت الحين تبي تتزوج عشان زوجتك ماتتتكلم ، صارحها وقولها ابيك تتكلمين معي وهذا الشيء مو يخليني مرتاح معك ،صارحها بدل ما تفكر في الثانيه، يمكن تغير نفسها ،نص حل المشكله المصارحه
0 تصويتات
بواسطة
المشكله في العلاقه الخاصه ماهو واصل للي يبيه او يشوفه او يسمع عنه لذلك هو مش راضي عنها بس هذا زبدة الموضوع

استفسارات متعلقة

...