في تصنيف استشارات زوجية بواسطة
عُدل
بقولكم مشكلتي انا متزوجه صار لي ٨سنوات ماحملت والسبب من زوجي عنده مشاكل بالانجاب وتعالج كثير ومافي اي فايده وقبل فتره فکرت بالانفصال وامي رفضت بسبب انو لو انفصلتي مين يتزوجك بتاخذين واحد شايب او مطلق وعنده عيال للاسف هذا تفكير أغلب الاهالي مع انو عمري ٢٦ وبنفس الوقت زوجي طيب ويحبني بس انا ابي اطفال تعبت من التفكير ونظرات الناس لي نفسيتي كثير تعبانه من هالشي ايش تنصحوني اكمل معه ولا انفصل وهل اذا طلبت الانفصال ادفع شي

42 إجابة

0 تصويتات
بواسطة
اذا شايفة ماتقدري تكملي معا لاتظلمي نفسك. شوفي حياتك. بس اذا تقدري تجلسي كذا الله يهنيكم بس فكري كثري لسه انتي صغيرة ولا تظلمي نفسك
0 تصويتات
بواسطة
طيب سووو تلقيح صناعي واستخيري الحياه ماهي اطفال خلي نفسك مكانه لوكان انتي وش تفكيرك وانااقول فكرري واستخيري وبعد حقكك اتسوين الي يرضي ضميرك عالجي اقري سورة البقره كل ليله واطلعي برا الطب تتطور بعد مشيت الله الله يكتب لك الخيره
0 تصويتات
بواسطة
اذا الاطفال يهمونك كثير فلا تجلسين بكرة تنكدين عيشته وحياته وتذلينه  عشان  الاطفال اذا مافيه امل ابداً يتعالج انفصلي وعيشي حياتك بيجي العوض من الله الاطفال زينة الحياة الدنيا ناس مايحبونهم مره وعادي يعيشون من غير اطفال وناس لا الي ترتاحين له سويه امك ماراح تعيش حياتك ولا راح تحس بشعورك استخيري واطرقي كل الابواب للعلاج مافاد الله يعوضك
0 تصويتات
بواسطة
حبيبتي نصيحه مني قبل ماتتطلقين روحي مركز خصوبه وياخذون من الزوج حيواناته المنويه يستخرجونها من الخصيه مباشرة بعملية ويفحصون اذا كانت الحيوانات المنويه حيه وجيده واذا كانت حيه يجمدونها عندهم ويفحصونك ووقت خصوبتك يستخرجون بويضاتك ويسوون حقن مجهري ويظل عندهم من ٤ الى ٧ ايام وبعده يزرعون البويضات الي اصلا كونت جنين يزرعونها بالرحم وطبعا قبلها لازم يعطونك ابر تنشيط وبعدها راحه وتوصيات وابر تثبيت  اخوي كان كده وسوا العمليه والحين زوجته حامل ماشاء الله واعراض الحمل ظهرت من غثيان وغيره فلا تستعجلي وجربو هالطريقه في كثير جابو عيال بذي الطريقه
0 تصويتات
بواسطة
بهذا الزمن نادر ماتلقين الرجال الطيب اللي يحبك ويحترمك ويعزك وانتي قبل اي خطوه فكري وحاولي ابحثي عن علاج الان الطب تقدم وكل مشكله لها حل وغير كذا المال والاطفال والصحه هذي كلها من عند رب العالمين محد يقدر يختارها .. عقم الرجال الان له علاج اقلها الحقن المجهري اسعي لها وحاولو لعل الله يكتب الخيره لكم ولا تيأسي
0 تصويتات
بواسطة
وامك وش دخلها .. اذا تبين الانفصال انفصلي والله يعوضك بالافضل .. واذا ماتبين الانفصال كملي .. القرار لك انتي .. انا ما اجيب اطفال وما انتظر وتزوج وطلقني .. اختاري بنفسك القرار والحياه لك انتي مو لاحد
0 تصويتات
بواسطة
لو انتي بمكانه كان يمديه تزوج عليك او طلقك واخذ غيرك لا تحرمين نفسك من نعمة الضنا توك صغيره حرام يروح عمرك معاه اذا مره مافي امل للانجاب
0 تصويتات
بواسطة
اذا زوجك شخص طيب ويحبك ويقدرك وتحبينه وتقدرينه فحرام تنفصلين منه حاولي بكل الطرق مجهري انابيب علاجات لك وله عادي جداً حاولي ولا تيأسي فيه ناس 10 و20 سنه واكثر واخر شيء جاهم طفل او طفلين .. واشغلي نفسك ادرسي واشتغلي والناس ماعليك من الناس ونظرتهم لانهم سواء حملتي او ماحملتي بيتكلمون فأنت عليك من نفسك وزوجك ….
0 تصويتات
بواسطة
تراك صغيره !!! لاتخسرين زوجك ! سوي شي انشغلي بنفسك ! اشتغلي سافري روحي ! الاطفال مو كل شي ! ممكن تخسرين زوجك وتجيبين طفل اذا كبر يكون عاق فيك !!! عيشي لنفسك الاطفال مو كل شي ! وازعاج وغثى وش عليك من نظرة الناس لك ؟؟؟؟ ينقلعون نظرتهم ماراح تفيدك بشي
0 تصويتات
بواسطة
ماعليك من امك مارح تنفعك اذا كبرتي وحيده ماعندك من يهتم فيك او يونسك بكرة اخوانك وخواتك رح ينبذونك ويلقطون وراك الاثر وهي اللي بتجمع لهم ويقولون كل شي انه عينك والله مثل ماحلل الزواج حلل الطلاق بحالات وهذا حقك
0 تصويتات
بواسطة
سوي اطفال انانيب ادعي كثير لا تتركين زوجك دام طيب وكويس معاك نصيحه يمكن يجيك زوج يكرهك بحياتك قبل كل شي استخيري كثير
0 تصويتات
بواسطة
روحي عند الدكتور شريف ابو بكر وخذي كورس ثلاث شهور لزوجك مع عسل وسوي اطفال انابيب وعيديها مره وثنين وثلاث
0 تصويتات
بواسطة
شوفي اللي قلبك مرتاح له اكثر ايش الانفصال ولا الاستمرار لا تفكرين بالناس ابدًا نفسك اهم ومااحد يدري ايش ربي كاتب يمكن تتزوجين واحد اعزب لا مطلق ولا شايب .. وصلي استخاره وربي يكتب لك الخيره ويرزقك بكل ماتمنين
0 تصويتات
بواسطة
اكفل طفل ويمكن بعدها الله يرزقك ذرية،، دام جوزك طيب ماتعرفين اذا تزوجتي شو راح يكون طبع الي تاخذيه ومثل ماقالت امك ماراح يجيكي الا متزوج ومعدد  وتحملي مشاكل  وترا صار تقدر ترضعين البيبي ويصير ابنكم بالرضاعة يعطونك علاج ويحفزون الحليب بالصدر ويدر
0 تصويتات
بواسطة
الرجال الكويس صعب تلاقيه مره ثانيه انصحك لا تخليه وقفي معه وادعي ربك يرزقكم وترا العيال مو كل شي وانتي تبغيهم بس علشان نظرت الناس لك !! لو تراجعي التفكير وتتخيلي نفسك مع شخص مو كويس ومعك عيال بتكوني راضيه ومرتاحه ؟ طيب نظرت الناس كيف ؟! ما راح تقدم ولا تاخر
0 تصويتات
بواسطة
نصيحه لاتفكرين كثير التفكير يتعبك حاولي تنشغلين تطلعي عند اهلك صديقاتك وخليك قويه واتركي كلمه نظرت المجتمع والشفقه ترا احنا بشر مو بين ملاك  توظفي ادرسي لاتخلي الفراغ يتعبك واذا زوجك تعالج ممكن تنجح معاكم.. بصراحه اخواتي اثنين تاخروا من رجالهم وحده ٨ سنين وعندها ٥ اطفال والثانيه ٥ سنين وعندها ٤ اطفال فيعني لاتستعجلي كثير مممكن ربي يعطيك واحد طيب ممكن فيه مشكله وتتزوجيه ثقي بربك كل شيءٍ نصيب طالما طيب وحنون وكريم حافظي عليه
0 تصويتات
بواسطة
روحي المانيا وحده ماحملت ٢٠ سنه ومن زوجها العيب وحملت والان معاها اطفال والله يرزقك الذريه الصالحه
0 تصويتات
بواسطة
اول شي قبل كل شي صلي استخاره..صلي استخاره صلي استخاره ..... ثاني شي اذا هو طيب ومحترم معك فكراو بطفل انابيب او تبنوا ... لان فعلا ماعاد في رجال كويسين الا ما رحم ربي ...يعني اذا انفصلتي وتزوجتي بعدين وجبتي اطفال وللأسف الاب طلع مو كويس .ايش استفدتي غير تعب والشقئ انتي واطفالك....استخيري قبل كل شي وفكري انتي وزوجك بالأفكار هذه، وربي يقدم لكم الخير يارب ويسخركم لبعض
0 تصويتات
بواسطة
والله الابناء زينة الحياة الدنيا وانتي لسى صغيره المرأة مو مثل الرجل الانجاب فتره عمريه واستخيري والخيره فيما اختاره الله
0 تصويتات
بواسطة
محد يقدر  يقرر بدالك حتى امك انتي الي بتعيشين فيها وانتي ادرى اذا مستعده انك ماتخلفين او تنفصلين عشان الخلفه استخيري وفكري بالايجبيات والسلبيات يمكن تنفصلين وتتزوجين واحد وتجبين اطفال لكن يطلع سييء  اذا زوجك صاينك ومحترمك وعايشه سعيده اكفلي يتيم واكسبي الاجر انتي وهو
0 تصويتات
بواسطة
شوفي ياعزيزتي الله سبحانه وتعالى ذكر علاقة الزوجين بالقران بإنها تستمر بإحسان او تنتهي بإحسان لكن في شي لازم تفهمينه ضروري جدا ياااااكثر البيوت المليانه ذريه الي مابين الزوجين فيها اي حب او تفاهم او طيبه يعني جايز جدا تطلقين لكن تاخذين عله لا يعرف الموده ولا الرحمه وتجيبين درزن منه وتتورطين فيه طول العمر _ ولكن اتقي الله فالرجل الطيب الي معك يااما تكملين معه بدون تأذينه وبما يرضي الله ياتعتقينه لعل الله يخلف عليكم الاثنين بخير واستخيري الله فامورك كلها
0 تصويتات
بواسطة
تناقشي معاه وشوفي هل في مجال تسوون حقن مجهري بحيث يشوفوا وياخذون منه حيوان منوي كويس او مافي ولا حيوان سليم اذا كان معدوم مره قولي له انا ابى اطفال لو انا اللي كنت عقيم كان تزوجت غيري ودورت عيال انا ماابى عمري يضيع من غير اطفال يشيلوني لما اكبر ماانكر انت رجال على العين والراس واطيب منك مافي لكن ذي سنه الحياه انا ابى اصير ام والشي ذا صعب ومستحيل معاك فشوف فكر في الموضوع اذا لقيت حل ثاني غير الطلاق قول ماعندي مانع نجرب كل الحلول
0 تصويتات
بواسطة
فكري تسوين انابيب وكثري دعاء واستغفار انتي وزوجج وتصدقوا وان شاء الله ان ربي يرزقكم احسنوا الظن بالله … بس اذا مقررة الطلاق ممكن ترفعين دعوى طلاق للضرر وماتدفعين شي
0 تصويتات
بواسطة
شوفي غاليتى الحياه حياتك والقرار قرارك وانت عارفه وضع زوجك الصحي .. اذا يمديكم تخلفو انابيب توكلى واعمليها صح انها مكلفه واحتمال ماتنجح من اول مره بس هذا يكون على حسب جوده الحيوانات المنويه عند زوجك .. اذا ماينفع انابيب لك الخيار انت لسه صغيره وقدامك العمر ونفسك في اطفال ومن قال انك بتاخذى شيبه  استخيرى وشوفي ايش اللى يناسبك .. عنجد شعور الطفل ف بطنك شعور مررره حلو .. طبعًا ماحد يعرف الفرق الا المجرب الحياتين ..
انا مثلك تزوجت ثلاث سنوات وكان منه المشكله .. واحمد ربي انى انفصلت .. والحين حامل انتظر مولدي الأول .. طبعا الخيار راجع لك
0 تصويتات
بواسطة
بعدك صغيره والعمر قدامك اذا كان سبب انفصالك ودك بأطفال الله راح ييسر أمورك بس صعب تجلسي وبعد عمر متأخر كل الي حواليك مع اولادهم وتشوفيهم يكبرو قدام عينك وانتي بلا أطفال... الذريه نعمه وغريزه الامومه طبع فينا استخيري وتوكلي على الله
0 تصويتات
بواسطة
اذا هو طيب و يحبك ما رح يتعوض، مب شرط اذا تطلقتي يعني اكيد تحصلين زوج مثله وفوق هذا ازيد ما تدرين العيال اللى ودك فيهم الحين يوم يكبرون يخلونك بروحك.  هالشيء مو بيده و ما عليك من كلام اللى قاعدة تعكس الوضع لان في رياييل وقفوا مع زوجاتهم والعلة في الزوجة و تفهموا وقدروا  يتعالجوا بعد عشر سنين الحمدلله جابوا عيال نصيحتي لا تفرطين فيه وراعي مشاعره هو ائتمن عليك واشوف الحب والاحترام مو اقل من رغبة اطفال ايه صحيح الكل يبي اطفال بس في هالشيء بيد الله سبحانه وتعالى . نصيحتي اوقفي معاه بدل لا تتركينه لانه بروحه يحتاج لك و صدقيني بالدعاء الله يرزقكم بولد يارب.
0 تصويتات
بواسطة
اختي احب اقولك الحقي نفسك ، بعد سنوات اذا كبرتي وتعالج هو بيقول من حقي اتزوج وحده صغيرة فرصها بالانجاب اكبر وهذا طبع البشر كل واحد يفكر بنفسه ،،
0 تصويتات
بواسطة
ما تدفعين شي لان الطلاق بسب قوي زي فوات منفعة او شي زي كذا سمعتها من قبل وانتي شوفي ادرسي الموضوع واذا كان مرة مرة مافي امل في علاجه فمعذورة ولحد يقنعك انك جاحدة للعشرة ولا انك بيصير فيك زي ماسويتي فيه وبيتركك زوجك الثاني كلها أرزاق ونصيب وربي الي كاتبه بيصير ومن حقك تعيشين حقك بالامومة اهم شي لا ترمين كلام ولا تجرحين سوي جلسة صراحة ولا ارسلي له رسالة واشرحي شتحسين فيه وأنك تتمنين له الخير وين ماكان وربي يوفقك ان شاء الله
0 تصويتات
بواسطة
شوفي يا اختي لو يهون عليك زوجك عادي ولك الحق في القرار  شوفي انا ١٦سنه وصابره لانه مالي احد اهلي متوفين اللي هم الاساس الام والاب وثاني شي صبرت لانه نفسه في الخلفه وهذا الشي مو بيده ما اقول الا الحمدلله ع كل حال ولو منك العيب اهله في يوم وليله بيزوجوه انتي استخيري الله قبل كل شي والله يكتبلك الخير
0 تصويتات
بواسطة
اذا هذا تفكيرك انفصلي وهذا حقك والله يعوضك ويعوضه. لكن تعيشين بجحيم طول عمرك حرام.. وحاولي كمان ممكن الله يرزقك في حالات كثيرة تعالجت الطب كثير تطور مو نفس قبل

استفسارات متعلقة

...