في تصنيف استشارات زوجية بواسطة
بنات انا في فترة خطوبة وملكتي قربت الشاهد اني سألته عن المصاريف الشخصية لي ك زوجة المستقبل (بعد الزواج وقال انه ما يقدر ومتوقع اني بصرف على نفسي بالكامل وهو بس راح يأثث و يصرف على بيته مقاضي والذي منه ماراح انكر اني احبه بس كلامه مأثر فيني ! الوحده تتزوج عشان تصرف على نفسها؟ عمري ۲۹ واحس اني برمي نفسي عشان اخلف لي جاهل ويمكن احس انه اللي حولي كلهم تزوجوا وصار علي ضغط اجتماعي انا الحمد لله موظفة وراتبي يكفيني لين اخر الشهر بس مو معقوله اتزوج شخص قال لي بوجهي كذا

30 إجابة

0 تصويتات
بواسطة
ترى ممكن هو يقول كذا بس بالبدايه ك تخويف يعني عشان انتي ما تتعشمين بزياده لكن ممكن بعد الزواج يكون غير كذا ، واصلا ليه تدوري منه مصروف دام عندك مصروف اهم شي مكفي امور بيتكم من اثاث واجار وعيالكم وكذا هذا اهم شي اما الباقي كماليات ان جابها اهلا وسهلا ان ما جابها هو مش مجبور
0 تصويتات
بواسطة
ياساتر على النظره الماديه للزواج !!! يختي ليش تشتغلين اجل ولمين بتجمعين رواتبك ؟! اصلا طبيعي جدا إن الموظفه تساعد زوجها او على أقل تقدير تقوم بمصاريفها ، في هاالزمن الصعب في العالم كله ماعاد راتب واحد يكفي
0 تصويتات
بواسطة
ترى الصرف بالشرع كسوة الصيف والشتاء فقط ، ويوفر لها مسكن ومأكل ومشرب مو مطاعم وسفر وكماليات ، الدنيا غاااالية والشباب من وين يجيبون يسرقون ينهبون ؟!! الزواج الفه ومحبة وسكينة وعائلة ايش يعني عندي وظيفة وفلوس وش فايدتها بدون زوج رجل بجد يكون سند وظهر لي وش فايدة الفلوس بدون عائلة واطفال يشيلوني اذا كبرت ؟! الرجال ماقصر واضح وصريح وقال بيوفر أمور الحياة الأساسية ماكذب ولا اعطى وعود خيالية ، وطالما الزوجة عاملة اذا حتما بيكون منها تقصير بنفسيتها ووقتها واقل شيء تقدمه تشيل نفسها واطفالها بالمستقبل مو غلط ولا عيب بشرط ان الزوج بالمقابل مايكون بخيل او اتكالي ويترك كل المسؤولية ع زوجته ، اما اللي يقولون اجلس في بيت اهلي ترى اهلك ماراح يدومون لك كلن بيروح لحياته والرجل ماهو ماكينة صرف آلي تراه بشر
0 تصويتات
بواسطة
كيف موظفه وتبينه يمشي مصروف خاص لا تصيري طماعه بالعكس هو راح يوفر لك المسكن والمقاضي وكهرب البيت وراتبك لك انت فقط ليه صار تفكيركم مادي بحت بذات اذا زوجك مو ذاك الدخل القوي المفروض تعاونية
0 تصويتات
بواسطة
سؤالك مادي وكأنك داخله اتفاق عقد عمل مو زواج وموده ورحمه .. الرجال خاف منك من تفكيرك قالك للأسف الكلام هذا لأنك حطيتيه بموضع الدفاع عن نفسه غصب بسبب ابواب المصاريف والمسؤوليات الجديدة الي يحاول يستوعبها .. تراه ما غلط عليك أبداً إنتي غلطتي على نفسك وخليتيه يعطيك جواب يستسهل بسببه البخل عليك مستقبلا لأن الي أوله شرط آخره نور من البداية خليتيه يقولك اصرفي على نفسك قبل حتى ما تكونين معاه !! .. وبعدين طبيعي تصرفين على نفسك عندك راتب ليش تمدين يدك لأحد بدال ما تستمتعين بغنى نفسك وتبينين إنك مدلعه نفسك وانه عشان يبهرك ويعطيك لازم يتكلف !! على طول تحولتي للموظفة البخيلة الي بتكنز راتبها وتجيه من باب انك ملزوم فيني !! الدنيا تغيرت وتطورت تطوروا شوي رجاء وش ذا
0 تصويتات
بواسطة
مو معقوله هالشخص يتزوجك .. وانتي بسم الله باقي ما ملكتي وفي فترة خطوبه تساليه عن المصروف !!! اصبري تملكي تاخذي عليه .. بعدين مافيها شي اذا قمتي بنفسك .. ترا الدنيا غاليه وصارت الاوضاع صعبة والزواج موده ورحمه مو صراع ونزلع ومن يصرف ومين كلمته تمشي .. يعني هو موظف وبيقوم بالزواج كامل وبياثث وبيجيب اغراض البيت .. وانتي عندك مهرك الي منه وبتقضي جميع اغراضك كعروس كل شي بيكون جديد وانيق وكشخه ..وشوله لزمة هالموضوع الان .. واذا نقص عليك شغله وعندك فلوسك اش المشكله تاخذي لوازمك منها وتعيني وتعاوني ؟! ترا عادي مافيها شي ابداً ... والزواج مشاركة.... ولا تسمعي الي تقول بخيل و الي تخبب لا والله هو واقعي وصريح .. اذا انتي متطلبه وبتتعبيه كشاب توه داخل ع الحياه ويقول بسم الله .. اعتقيه لوجه الله .. وترا ما خرب اكثر البنات الا وسايل التواصل الاجتماعي والمقارنه بحياة الكثير الي اغلبها تمثيل
0 تصويتات
بواسطة
اولا هو ملزم فيك لو راتبك مليون لكن إذا انتي ما تقبلي فكرة انه ما يعطيك وتشيلي نفسك واحتمال تشيلي معه بعد لا تاخذيه او عالاقل اتفقي معاه على حل وسط يرضيك ويرضيه لانه بعد الزواج اذا صارت مشاكل بهالسبب فالافظل تبقي عزوبيه
0 تصويتات
بواسطة
عمرج ٢٩ مو صغيرة وموظفة خلاص دام يصرف على البيت مو ضروري يعطيج الطمع مو زين اذا جذي ماراح تزوجين اذا كل واحد يخطب وتفكرين جذي يروح عمرج وانتي ماتزوجي ماتبين زواج منه قولي من الحين عشان لا تطلقين بعدين
0 تصويتات
بواسطة
طيب هو راح يشيل مصروف البيت والكهرباء والايجار وايش تبين اكثر من كذا احمدي ربك غيره وربي اخذ مصروف زوجتك وقروض وبلاوي خلاص انتي راتبك لك وبكفيك لاتصيرين طماعة ومسيطره وصدقيني فتره الخطوبه سوا من الرجل او الحرمه لازم كل شخص يفرض شخصيته وبما انه طيب ومو راعي خرابيط توكلي ع الله وتزوجيه العمر مره وحده ربي يسعدك حبيبتي دعوتك لي بالولد الصالح المعافى
0 تصويتات
بواسطة
وبعدين هو ما تزوج موظفة الا عشان يخفف على نفسه وترى الحياة صعبه جداااا لازم لازم تصرفي على نفسك ولو كنتي ذكيه انتي بعد ما جبتي السؤال كذا كان قلتي انا وانت واحد واكيد بساعدك بس حلو لو تعطيني مصروف احس بشعور حلو وهو منك ولو احتجت شي اعطيك عادي يعني منك واليكم زوجي يعطيني ٥٠٠ واخر الشهر ياخد اكثر من ٥٠٠ بس اقول يلا عادي اهم شي يعطيني لو هو يقدر عطاني اكثر كفايه شاري لي بيت وضاغط حاله
0 تصويتات
بواسطة
اساليه لا جاكم  اطفال منو اللي بيصرف عليهم كسوة واكل ؟ اذا قال انا خلاص تزوجي توكلي على الله  بيصرف على اعياله وخل يزيده شوي لك والا افتحي مشروع وساعديه مافيها شي ممكن الله يفتح لكم رزق  صريح افضل من كذاب
0 تصويتات
بواسطة
استخيري بعدين التعاون والله حلو بس ليته استخدم اسلوب احلى يعني هو عليه البيت مقاضي وفواتير وعياله مستقبلاً ومصروفهم ومناسبات بيتكم وضيافاتكم وانتي امسكي مصروفك الشخصي انا اشوفه عادي بس استخيري يمكن تندمين لان المصروف عندك مهم
0 تصويتات
بواسطة
اذا هو كويس وطيب كملي معاه
بالنهاية بتصرفي ع نفسك موب عليه
ومصاريف البيت والمقاضي عليه
اهم شيء أخلاقه مو فلوسه
نعرف رجاجيل معاهم الفلوس والاخلاق ياكافي
0 تصويتات
بواسطة
كبرتي السالفه و هي صغيرة .. هو يصرف على البيت وانتي على نفسك والحل اللي تفكرين فيه انك تنفصلين عنه لهذا السبب الواهي .. تعوذي من الشيطان القطار مايوقف لاحد
0 تصويتات
بواسطة
حبيبتي الحياة الزوجية مشاركة اي مصاريف تتكلمي عليها وانتي عندك راتب؟! كلامه منطقي هو بيصرف على البيت واحتياجاته والكماليات اللي تبيها انتي وفريها لنفسك اذا ماعجبك كلامه تناقشي معه قبل يصير العقد واعرفي هو ولا غيره هذا الكلام بتسمعيه او بيكون في فكره لانك موظفة ، بما انكم بتاخذون بعض عن حب وبينكم توافق فكري لاتلتفتي لاشياء ثانية الا في حال انتي مو مرتاحة لقرارك استخيري ثم قرري وبالتوفيق يارب
0 تصويتات
بواسطة
اختي العزيزة صح ان كل وحدة ولها وجهة نظرها بس انا ما ايد كلامهم وجهة نظري طبعا انا اشوف انج تخبرينه انج اول ما تتزوجين بتجلسين في البيت وتهتمين فيه وفي العيال مستقبلا شوفي شو ردة فعله ؟ واذا انتي حسيتي نفسج بعد مب مرتاحة وتبينه يصرف عليج من كل شيء من حقج طبعا الرجال مو ياخذنا بس عشان يصرف عالبيت والاكل بعد يصرف علينا هذا هو مهامه طبعا باللي يقدر عليه بس يصرف عليج بعد هذا من حقوقه كزوج طبعا اذا عادي عندج المشاركة شاركيه انتي حرة
0 تصويتات
بواسطة
هو صارحك  وإنت حرة  إذا شايفة هذا الشي مايناسبك ومع الايام ماراح تتحملين  فمن البداية ارفضي .. وهذي حياتك إنت  المفروض إنت الي تقررين  ليش تسألين الناس في أمر شخصي يخص قناعاتك وحياتك .. والحياة تعاون مافيها شي لو صرفتي على نفسك وهو أكيد  لمن يكون معاه ماراح يقصر عليك لو طلبتية مدام آنه إنسان واضح من البداية ...
0 تصويتات
بواسطة
ي بنت ان شاءالله م تطرين تاخذين منه ريال او ياخذ منك و يعيشك و يغنيك و يلبي طلباتك ذي نعمه و اذا بيعطي بيعطي بكيفه وشخص عن شخص يفرق ف العطاء و يمكن انتي من زود حبك له تساعديه والله يتمم لك بخير
0 تصويتات
بواسطة
ليه تستعجلين اشياء وتستبقينها وهو مافكر فيها … احسن لك تاخذين واحد تتعاونون مع بعض ولا تنتظرين الثري اللي ينوجد فالمليون مرة… ادرسيها زين ولاتحملين من البداية اذا شاكة في بخله ..ونصيحي توكلي على الله وعيشي التجربة الحياة قصيرة والرازق الله .
0 تصويتات
بواسطة
اصلا من نفسك ما تطلبي واصرفي على نفسك اذا معك راتب احس عيب اروح اتطلب وانا معاي ،، وبعدين المصروف اللي ترددوه شرعا هو المسكن والمآكل والمشرب وكسوتين للصيف والشتا .. او انك تتركي وظيفتك وتخليه يتحمل كامل مسؤوليتك
0 تصويتات
بواسطة
عادي طيب الحياه تعاون دام ربي رازقك وظيفه اصرفي ع نفسك وهو عليه البيت والاغراض اليوميه والشهريه واذا جبتي اطفال انتبهي تصرفين عليهم ريال بالاشياء الاساسيه لاكن اذا بيوم حبيتي تدلعينهم تلعبيهم وتشتري لهم مفرحات لابأس بس مو بشكل دائم يعني خلي راتبك فعلا لك انتي فقط ودامه صارحك معناته نيته زينه باذن الله
0 تصويتات
بواسطة
الشخص ذا صارحك من البدايه مامثل عليك نادر اللي  يسوي كذا وكل الموظفات بشكل عام يشيلون انفسهم ويساعدون ازواجهم الحياه تعاون كلها لبيتك واولادك
0 تصويتات
بواسطة
خلينا نكون واقعيين ترى الدنيا صارت مررره غاليه كل شي نارررر عادي جداً تشاركينه وتخففين عنه وتتقاسمون المصاريف اذا قام بمقاضي البيت والمويه والكهرب والايجار والفواتير الحمدلله نعمه مابقى الا مصروفك انتي تصرفين على نفسك دام عندك المقدره والكفايه
0 تصويتات
بواسطة
وليش تسألين احس هالاسئله حتى تبين البنت طماعه ماله داعي هالامور تصير ماشيه طبيعي بالحياه اصرفي على نفسج واذا خلص معاشج صدقيني ما بيقول لج لا دبري نفسج
0 تصويتات
بواسطة
في وقتنا الحاضر احمدي ربك على وظيفتك ثانياً اذا كان رجل فعلاً رجل ما يطالع فراتبك ابداً ،،، المصيبه بعض الرجال عينهم على راتب زوجاتهم ،، كونك بتصرفي على نفسك مو مشكله المصيبه اذا كان عينه على راتبك ،،، خليه يقوم بواجباته ك رجل صاحب بيت واسره اما بقية الأمور لا تدققي عليها دامها لا تؤثر عليك ك معيشه
0 تصويتات
بواسطة
انا ماادري ليه تسبقون الاحداث وتبينين له انك ماديه حتى لو منتي ماديه الي بيصرف بيصرف بدون م يقول والي مو صارف لو يكلمونه الجماعه كلهم اسألي الله الاستخارة وبعدها كل شي يجي
0 تصويتات
بواسطة
شوفي يا اختي هو كان صريح معك من اول شيء علشان ما يضحك عليك وبعدين الحمدلله طالما راح يصرف على البيت وترى ما فيها شيء ان صرفتي على نفسك ومعك راتب في بعضهم الله لا يوريك زوجها ما يصرف ولا فلس ويقول لزوجته دبري نفسك انت وعيالك ولا يجيب مصروف للبيت سواء عندها وظيفه او لا يقولها تتصرف والبعض يستغل راتب زوجته لأجل تدفع إيجار البيت بس انت الحمدلله ما قال الا تاخذي مصاريفك واغراضك الخاصة من راتبك طالما هو راح يصرف على البيت وراح يدفع الإيجار حق البيت ان ما كان ملكه احمدي ربك واسألي الله انه يوفقك ويوفقكم الجميع الموضوع ما يستاهل تفكري فيه وتخربي بيتك
0 تصويتات
بواسطة
شوفي الحياه مشاركه وهوا انسان واضح ماكذب قالها في وجهك بس اذا اكيد ربنا رزقه بيعطيك ودامك موظفه شيلي نفسك واذا صرفتي على بيتك وساعدتي مو مشكله ترا كل الحريم كذا حتى الي مو موظفه تحط من مصروفها الدنيا سارت غاليه ولازم نتعاون سوا والله يفرجها على كل مسلم
0 تصويتات
بواسطة
تراه صريح معك من بدايه دام موظفه اكيد راح تقضي احتياجاتك خااصه اما ماكل ومشرب فعليه هوو طبعا غير كذا مااتفق مع حد انه الحرمه تتحمل مصاريف البيت كامل عيل وين دوره ك رجل ف تحمل مسووليه يفترض انه يقضي الاحتياجات ضروريه والخاصه ع حسب مقدوره واذا حبيتي تساعدي ساعدي ماحبيتي مامجبوره ابدا
0 تصويتات
بواسطة
هو قال تصرفين على نفسك يعني احتياجاتك الشخصيه اما البيت والاثاث والمقاضي عليه مالك شغل فيها … اذا كذا كلامه فعادي مافيه مشكله

استفسارات متعلقة

1 إجابة
36 إجابة
...