في تصنيف استشارات زوجية بواسطة
السلام عليكم انا تعرفت على شخص ونحب بعض ٤ سنين وفجاه اكتشفت انه مدمن حشيش بس اكتشفت بعد الخطبه والملكه ماكان مبين عليه ابد وكنت معاه ٢٤ ساعه وماحسيت انه مدمن الحين البنات الي متزوجين وازواجهم مدمنين هل في امل يتغير ويبطل ؟؟ ولا خلاص بيجلس كذا طول العمر هوا يقول انا بتغير عشانك واترك الحشيش مافيه عيب غير الادمان كريم وطيب وبار ب والديه کمان اكبر مني ب ١٧ سنه شاورو علي تكفون

26 إجابة

0 تصويتات
بواسطة
شوفي بقولك من واقع تجربه لقريبه لي جدآ اذا تتوقعي وضعه بيكون طبيعي انسي وبتكون الحياه معه سهله انسي العيشه مع مدمن المخدرات جحيم راح يطور وضعه ويكون اكثر سوء وراح يجي وقت يشكل على حياتك خطر نصيحه لوجه الله اتركيه او اشرطي عليه يترك الحشيش قبل زواجكم رغم الي يمشي في الطريق هذا صعب يطلع منه الا اصحاب ارده قويه ولعلمك زوج قربتي طيب جدآ كان وكريم ولكن ما قدر يسيطر على نفسه والتعاطي وبداء يزيد وضعه صعوبه الى ان قرارات الطلاق بعد صبر سنين على امل يتغير ويترك ولا ترك صارت تهرب اوقات لشارع خوف من خطره عليها لما يتجنن عليها لانهم يفقدون السيطره على نفسهم ويصحب عندهم تبلد في الاحساس وعدم الاتزان وخلاص يصبح الشخص غير مسوول فكري زين في وضعك ترا الموضوع اكبر مما تتصورين لا يغرك كلامه ولا حب لك
0 تصويتات
بواسطة
لاتتهورررررين.  وتعودي من الشيطان لو هو صادق علمك قبل الملكه مو بعذ ولو يبي يبطل فعلا تركه فعلا وترك تركه مو بهالسهوله  انتي تشوفينه رايق لانه ياخذ ويروق لكن لو تركه بيتغير ١٨٠ لانه هو الي يروقه غير فرق العمر جدا كبير لاينصح ابدا والله يرزقك ويرزقه
0 تصويتات
بواسطة
اتمنى من كل قلبي تشوفين كلامي تكفين لاتسمحين ل عاطفتك تمشيك الحياه الزوجيه تحتاج شخص عاقل وطبيعي يدعمك بيجيك اطفال وراكم تربيه وراكم مصاريف وراكم ترتيب حياه لكم ول اطفالكم يعني وجود الزوج او الاب مهم جدا وانت بتدخلين مع شخص مدمن الله يشفيه ويعافيه ولا يبلانا لكنن الادمان مو سهل هو الحين يضر نفسه فقط لكن بعد فتره بيصير فيه شك وهلوسه وراح يضرك ويضر كل شخص حولك واولهم اطفالك ايش ذنبهم انتي مفروض تسجدين سجود شكر وتشكرين الله انه وضح لك ادمانه قبل الزواج وتفرحين بهالشي اتركيه وباذن الله ربي بيعوضك احسن منه وهو الله يشفيه ويعوضه
0 تصويتات
بواسطة
نصيحه من قلبي اتركيه مدمن راح تتعبين معاه تتعبين باول الطريق توك مافي اطفال  وربي راح يعوضك والحشيش اقوى ادمان الله يكفينا شر من تجربة زوج واخوان مدمنين
0 تصويتات
بواسطة
لاوالله لاتاخذينه بيعيشك بجحيم وشك وبيصير مهمل بيته وعياله وكل همه كيف يلاقي فلوس عشان ياخذ الحشيش ولابيكون عنده لاغيره ولاامان ممكن يخليك تنامي مع اصحابه مقابل حصوله ع الحشيش نصيحه اهرررربي منه ولاتتزوجيه ماله امان
0 تصويتات
بواسطة
لا ترمي نفسك للنار لا تخلي عواطفك تسيطر عليك صدقيني اللي من بداية باين مااارح يتعدل هذا اسمه ادمااان واذا تركه بيتركه فتره وكل ماقلب مزاجه رجع للاادمان فانتي كبري عقلك الحب الغلط ماراح يسعدك
0 تصويتات
بواسطة
ابكي على فراقه شهر احسن من انك تبكين عمرك الباقي كله .. مافي شي اسمه بنت بتغير في ولد شي انسيها ذي .. ولا بيتغير عشانك .. اذا هو ماتغير عشان نفسه ماراح يتغير
0 تصويتات
بواسطة
اكببببر مصيبه المدمنين بكرا يصفقك ويشك فيك هذا اذا ما ذبحك. بعدين احمدي ربك انك عرفتي قبل الزواج الله يرزقك بالافضل ماشفت وحده زوجها مدمن الا يصفقها وقضايا ومحاكم وبكرا يقولون لك ماتبينه اخلعيه رجعي فلوسه له وموتي قهر عاد
0 تصويتات
بواسطة
نصيحة اخت تطلعي من هالعلاقة قبل تجيبي منه اطفال وينقلب حبك له كره وحسرة وقهر انك كنتي عارفه وكملتي وعيالك يبون اب يتحمل المسؤولية ويكون بعقله ع طول مو اذا زاد عليه الحمل راح يحشش وتركك يقهرك
0 تصويتات
بواسطة
ابعدي عنه ماتدري يمكن يخليش تدمني معاه إذا هو يقول بيتغير خليه يروح المستشفى يتعالج إذا صحيح بيروح يتعالج عشانك اما مجرد كلام انه قال يتغير لاتصدقي الكلام الفعل هو اللي يثبت كلامه
0 تصويتات
بواسطة
اتركيه اتركيه اتركيه لاتفكرين بنفسك بس بكره يعبيلك البيت ورعان وتجلسين تشحذين والله مايطل فيكم فلوسه تروح للبلا اللي ياخذه غير المعامله السيئه فكري لو جوك بنات وش وضعهم يشوفون ابوهم كذا انتبهي يابنتي انتبهي نصيحه الحب مايكفي عشره ذي لاهي اربع سنوات ولاغيره
0 تصويتات
بواسطة
خلي المحبه على جنب فكر بنفسك وعيالك بعدين المدمن يرجع واصحاب السوء م يخلونه بحاله. بكره اولادك بيشوفونه وهو قدوتهم وبيقلدونه وبتتعب نفسيتك ومستقبلهم قدام عينك وبذمتك دام عرفتي من البدايه وواصلي عشان الحب الي مع المدمن يتحول لضرب وسرقة اغراضك عشان ياخذ الحشيش فيها. داك فالبر والامان ابعددي عنه من ترك شي لله عوضه وبيعوضك ربي بافضل منه يخاف عليك.
0 تصويتات
بواسطة
شوفي ماهم سوى بس٨٠ بالميه يتدمرون ويدمرون زوجاتهم وعيالهم ومع الوقت بتزيد حالته للاسوى معاك وحده مجربه وتاملت انه يتغير لكن ياخساره السنين اللي عشتها معاه وراح من عمري لكن اللي فالطريق ذا اخرته هلاك
0 تصويتات
بواسطة
وش حادك كل شي غلط اولا تعرفتي عليه بطريقه غلط وثاني شي والطامه مدمن والثالثه اكبر منك بكثير مدري وين عقلك ليش ترخصين نفسك وترمين نفسك كذا باقي صغيره وتستاهلين واحد سوي نصيحه انفصلي ترى بعد الزواج والعيال راح تعضين اصابعك ندم، ليش مصدقه انك عصا سحريه بتغيرينه ليش ماتغير وتاب قبل يرتبط فيك بطلي غباء واندفاع هو ماعرف يحمي ويعالج ويحب نفسه عشان يحبك الله يرفع عنه ولايبلانا
0 تصويتات
بواسطة
قولي ما يتم الزواج الين تروح تتعالج وتجيب تحليل يثبت ولا كل واحد منا بطريق اقري عن مدمنين الحشيش. وكيف يتعاملون  كلمي استشاري نفسي كيف تقنعينه ممكن تاخذين اجر بعلاجه وتكبرين بعينه اننا ما اعرف كيف تفكيره بس نصيحتي ماتروحين تتزوجين وتعيشين الا يتعالج او انفصلي
0 تصويتات
بواسطة
لاتكملين ولاتحطين في بالك بكره يتغير لو كان حبه صادق كان قال لك الحقيقة وسعى يتغير علشانك والحب اللي تظنينه حب حقيقي بعد الزواج لما تشوفيه على حقيقته مدمن لا يهتم في نظافة وعقله مغيب ماتدرين اذا بتسلمين على روحك معه يوم والله اعلم اذا كان يصلي ولا لا صدقيني كل مشاعرك بتتغير الى كره خليك قوية وارفضي تكملين معه وشرعاً لايجوز الزواج من رجل مدمن مخدرات ربي يرزقك بالاحسن منه الكفؤ اللي يستاهلك ويسعدك.
0 تصويتات
بواسطة
مايتغيرون للافضل يتغيرون للاسواء انتبهي هذا مستقبل وبيت وعيال راح تعيشين هم وغم وتصفيق وسرقة اغراضك واغراض البيت وبتعيشين انتي وعيالك فقر واضطراب نفسي ساعتها خلي الحب ينفعك
0 تصويتات
بواسطة
مدري حبيبتي الله يكتب لك اللي فيه الخيرلك ولكن بما اني اعرف كم وحده زوجها نفس الشي ولكن تزيد حالته وتطور للشك وتوصل للضرب وخاصه هالنوع حشيش ف مدري لو تستشيري اهلك ابوك اخوانك انا مابي ادخل في خط رزقك اقولك اتركيه مدري ايش ظروفك ف لافضل تاخذين راي اهلك
0 تصويتات
بواسطة
مابي اقطع نصيبك ان اخترتيه فلازم تكوني قد اختيارك .وتتحملي ..ولكن استخيري الله وادعي يمكن يتغير على يدك ..لاتاخذينه الاوهو مبطل هالشي فيه حبوب معالجه وفيه تغيير للدم ..ومن مجرد مايقلع عنه شهر بس خلاص خليه يغير اصحابه اهمشي .والله يووووفقك
0 تصويتات
بواسطة
تكفين لاتكملين بيعوضك ربي بأحسن ، بتتعبين وماحبتغير عشانك ماحيتغير عشانك ماحيتغير عشانك هذي الكلمة أبد لاتصدقيها اللي بيتغير يتغير عشان نفسه ومصلحته لان اذا تغير عشانك وطلع منك خطأ حيرجع زي أول مثل الإنتقام بيسوي فا لاتكملين من البداية واختصري على نفسك
0 تصويتات
بواسطة
لو فيه خير كان صارحك قبل الملكة ووعدك يترك الادمان قبل زواجكم حتى تتاكدي انه مايكذب الادمان تركه صعب ولازم يدخل مستشفى يتعالج واول شي يبعد عن صحبة السوء وصدقيني ٩٠ بالمية مارح يوفي بوعده ممكن يترك فترة بس رح يرجع له  اذا ماتعالج فكري بعقلك وبالمستقبل هل يقدر على مسؤلية بيت وتربية اولاده تربية صالحة
0 تصويتات
بواسطة
الحين اللي يدخن دخان عادي صعب يتركة تبين يترك حشيش ؟ هذا كذب بشي كبير زي كذا وهو رجل كبير ما احترم نفسه ولا احترم انه بيوقع ميثاق غليظ حرام فيه الكذب تبينه يتركه عشانك ؟ مهب تاركة والمفروض انت الان تفكين كل شي بينكم وتتكلمين مع اهلك ولا ترضينه زوج واب ومربي لعيالك العيب اللي فيه يلغي كل الصفات الزينه اللي فيه
0 تصويتات
بواسطة
ماادري شقول بصراحه بس  فارق العمر ماهي مشكلة  لكن عرفتي انه مدمن حشيش و لسه تفكري تكملي حياتك !!! معليش فكري ببكرة وش بتسوين معاه لاجاك وانتِ نايمة هو مدمن مو بوعيه ! وش بتسوين لا دخل عليك احدد ايضا مو بوعيه !وش ذنب الاطفال بكرة بأب منتهي الصلاحيه انتبهي لنفسك وادعي ان الله يعوضك
0 تصويتات
بواسطة
مبسوطه انه بيتغير عشانك! ما تغير عشان ربي اللي هو احسن منك و اللي بدايته كذا الله اعلم وش نهايته فكي نفسك من الحين اكتشفت ان فيه بعض بنات يحبون الشقى
0 تصويتات
بواسطة
غالبا ما بيترك وإن ترك بيرجع.. والله اعلم الهداية من رب العالمين.. بس لو مكانج ما بستمر والله يهدي الجميع
0 تصويتات
بواسطة
محد يقدر يشور عليك بشي صراحة !! فيه الي بيقول اصبري واحتسبي الاجر ! وفية الي يقول انفذي بجلدك !! الموضوع نسبي وانتي صاحبة القرار … انتي شوفي وش تبين بالضبط وش الي يريحك ويخليك مبسوطة … ومحد لايمك وش بتختارين لانها حياتك … لكن انتبهي انتي تلومين احد اهم شي ماتعلقين اخطائك على احد !! لازم تتحملين عواقب اي خيار تختارينه … واستخيري وربي بيفرجها عليك ان شاء الله …

استفسارات متعلقة

36 إجابة
...