في تصنيف استشارات زوجية بواسطة
انا عمري ۲۹ وما تزوجت قبل وجاني رجال عمره على الاربعين ومتزوج وعنده ولدين اعمارهم في حدود ۱۰ سنوات ووظيفته کویسه ، صراحه مره محتاره ابغی نصایح البنات تكفون كل وحده تحط نفسها بمكاني وتعطيني رايها ، و اي زوجه ثانيه تعطيني نصيحتها ، وشكرا لكم على كل شي

30 إجابة

0 تصويتات
بواسطة
استخيري ارتحتي له والناس يمدحونه وزين مع عياله توكلي على الله لان اللي مافيه خير لأهله ماراح يكون فيه خير لك
0 تصويتات
بواسطة
طيب انتي بعمري انا مستحيل أقبل ، حطي ببالك زوجه ثانيه= غيره من الزوجه الاولى= تبحث عن عيوبك وتتصيد عليك ،غير ذلك بينهم عشرة عمره فاهمته وممكن صايرين روح وحدة انتي الجديدة مابتقدري تفهميه سريع يبي لك سنوات وهو خلاص متعود على الاولى توقعي أن بأي يوم يسحب على يومك ويروح للقديمة لانها تفهمه اكثر ولا تتوقعي منه يشاركك همومه وافراحه، نصيحتي دوري لك هوايه تستغلي وقتك فيها وشوفي لك وظيفة واذا ماكملتي دراستك حاولي تكمليها ،، عمري ٢٩مثلك عزوبية، واكلمك من واقع ناس اعرفهم كيف يعامل الزوجه الثانيه ومو عاجبته لأن تعود على الاولى كيف طموحه وتفهمه والثنين يغارون من بعض ومو عايشين براحه
0 تصويتات
بواسطة
حطي في بالك انك بتكوني مع نص رجال يعني حقوقك تاخذينه نص بالنص وانتي فقط لوناسته ويمكن يقول لك مايبغي عيال بعد مكتفي في الاول والاخير ام عياله تكون رقم واحد في حياته انتي حق وقت فراغه ووناسته فقط. وانتي حره في قرارك.
0 تصويتات
بواسطة
اذا انا مكانك مااستشير الناس واسمع وش يقولو لن كل وحدة بتقيس المشكلة ع حالتها وتعطيكي رايها انتي شوفي تبينه ومستعدة تعيشي كزوجة ثانية وتتاقلمي بمشاعر الغيرة او لا هل مستعدة تعيشي بنصف رجل اولا ؟ وتسالي عن الرجال هل مقتدر هل يقدر يفتح بيت تاني هل حيوفرلك احتياجاتك ويقوم بحقوقك ولا بس ماخذك نزوة ولاشبع اهملك وتركك .. انتي فكري بوضعك وقرري
0 تصويتات
بواسطة
شوفي. اذا انتي راضيه بنص رجال ومتاكده من نفسك ماراح تغارين ولا راح تقارنين نفسك بزوجته وانتي بتتزوجين عشان يكون عندك بيت وعيال توكلي على ربك وافقي اما اذا بتاخذينهو انتي منتي واثقه من نفسك وتفكرين انو بيترك زوجته وبيته وعياله وبتكونين الكل في الكل هذا مستحيل وحتى لو صار تذكري فيه انسانه راح تفرش السجاده وتدعي باخر الليل فا ترا الحياه مع المعدد بزمن هذا مرا مرا صعبه. أنا زوجه اولى وصغير وزوجي توه متزوج انا ما اغار كثرها وهي احسها تعبانه نفسيا لانها تعلقت فيه ولاهي متقبله وجودي بحياته ونص اوقاتهم مشاكل انتي قرري وش هدفك وش تبغين بضبط وبس
0 تصويتات
بواسطة
اذا تبين تقرنيين حياتك ب حياة غير صدقيني ما راح تمشي حياتك اذا انتي مرتاحه له خوذيه اذا على زوجه الثانيه كل تزوج ماوقفت عليك الدنيا بس انصحيه اذا شفته مال يمك انه يعدل صدقيني راح ترتاحين وتتوفقين ب حياتك
0 تصويتات
بواسطة
نصيحتي لج اذا رجال محترم واثقه منه ،وافقي بدون تردد ،ولا تسمعين كلام الا بتقول لج انتظري فرصه ثانيه وبيجيج اعزب ؛توكلي علي الله وان شالله زواج الدهر
0 تصويتات
بواسطة
شوفي الشرع حلل اربع صح ، بس بما انها اول زواجه لك م راح تتهني لان يوم عندك يوم عندها م راح يكون لك لحالك عرفتي ؟ و بتندمي  لانك اول زواجه لك بحياتك تبين شاب مثل تفكيرك تطلعو سوا تتونسو سوا اول شهور الزواج دلع بس ذا م يمدي تتدلعي اسبوعين عندك بعدها بيصير يوم هنا يوم هناك م يمدي لا دلع ولا دلال وهي بتكرهك اصلاً و بتحاول ترجعه لها و تخليه يميل لها اكثر و كلنا ندري بعضهم يجي براسه يبي يعدد و بعدها ب فتره للاسف يطفش و يرجع لزوجته و اطفاله و يقول خلاص اطلق الجديده الاولى مهمه عندها اطفالي و مدري وش انتبهي
0 تصويتات
بواسطة
مو المهم انك تتزوجين قد ماهو مهم انك تختارين الشخص الصح تراها حياااااه مو يوم وليله
0 تصويتات
بواسطة
استخيري وإلي ربي كاتبه بيصير الله يختار لك الخيره الطيبه وحطي في بالك ان السعادة عمرها ماكانت مع عزابي او متزوج لاتربطينها كذا ياما بنات تزوجو عزابي ومنكدين حياتهم وياما بنات تزوجوا متزوجين من قبل وعاشوا اجمل سنين حياتهم هو التوفيق من ربي قبل كل شي
0 تصويتات
بواسطة
احس انتبهتي لكل الاشياء اللي مو مهمه وماذكرتي ولا شي عن الاشياء المهمه  الله يكتب لك الخير يارب ركزي في شخصيته كيف يفكر هذا اللي رح يفرق معاك ايش مقصده من الزواج الثاني في بعضهم يبغى يربي الاولى بس وبكذا يظلم الثانيه وفي اللي مقصده عيال بس اجلسي معاه وافهمي وضعه عشان تقدرين تتخذين قرارك
0 تصويتات
بواسطة
انا زوجة ثانية وعايشة مع زوجي بحب ودلع صح اتضايق من ان مو لي وحدي بس مجرد شعور داخلي ماخلي يخرب حياتي بقولك بختصار اذا بتوافقي فخلي لك استقلالية بحياتك مايكون بينك وين الاولى تواصل ولا طلعات وبيتك يكون مستقل
0 تصويتات
بواسطة
توك صغيره مني مجبوره تصيرين زوجه ثانيه  غيرك ٣٥ وتوهم يتزوجون الاعزب لاتستعجلين نصيحه
0 تصويتات
بواسطة
والله ياقلبي لاتستعجلين واذا ٢٩ العمر قدامك اغلب ارجال الاغلب مو الكل عنده مرا وحده ومقصر معاها كيف حرمتين ووش ناقصك تاخذين متزوج ومعيل انتظري نصيبك هذا راييي وبراحتك
0 تصويتات
بواسطة
استخيري و اتوكلي على الله واتذكري انك حتتعرضي للمقارنه بينك و بينها واذا فعلا وافقتي لابد تشترطي عليه انه يخليك تنجبين بعضهم يقلك انا ماخذك متعه ما ابغى عيال تبغين عيال روحي بيت اهلك بطلق غير كذا المصروف و المقارنه بين عيالكم و بيوتكم واسلوبكم و طبخكم وحتى ممكن توصل للامور الخاصه بينك وبينه و فوق كل ذا الغيرة اذا تقدري تتحملي ذا كله وتحسي انك قد الشي ذا غير انه نص الايام مو عندك حيكون عندها .. اتوكلي على ربي ووافقي و بالاخير اقلك استخيري انتي لسا صغيره و الله يرزقك انتي وكل من تبغى الحلال
0 تصويتات
بواسطة
اول شيء استشيري واستخيري ربك وادعي بالخيره ترا يمكن يكون افضل من انك تاخذين ولد انا اعرف كثيير بنات زوجات ثانيات ومرره مرتاحات الله يوفقك ويسعدك ويختارلك اللي فيه خير وخيره
0 تصويتات
بواسطة
بيكون اول فرحه لك بس انتي بتكونين شي يجدد حياته .. واذا حملتي بتكونين متحمسه يشاركك الفرحه واللهفه بس هو بيكون متعود غير ان بعض المتزوجين يتزوج عشان يأدب زوجته او عشان يوضح لها انه مرغوب وانه يقدر يتزوج فكررررررري كوووويس ماراح تكون الحياة اللي ببالك
0 تصويتات
بواسطة
يعني ماتدرين انه تزوج على زوجتة ويبغى يصير بينهم مشاكل بسببك ؟؟او انه يبغى يصير مشاكل بينك وبين زوجك بسببها لانها كأي امرأة راح تشوف زوجها انصرف لوحدة ثانيه يجيك منها غيرة ومشاكل وانتي تحاولين تحافظين على حياتك يااما تتنازلين او تتمسكين بحقوقك وكلها تنكد عليك حياتك وعموما الناس تختلف بطريقة تقبل الحياة الجديده والتعدد ولاتعتمدين على اي وحده قالت لك مشكلتها الشخصية وعموما تعتمد على المشاكل والراحة النفسيه على الزوجين وتعاملهم مع المواقف
0 تصويتات
بواسطة
صلي استخاره ولو حصلت موافقه وتزوجتيه نصيحتي لك زوجته الاولى وعياله لا تتدخلين فيهم انتي لك حياه وهم لهم حياه عشان ما تصير حياتك جحيم برضه علميه انه ما يذكرهم عندك لا بخير ولا بسوء عشان ما تلقين نفسك بيوم من الايام قاعده تتكلمين فيهم وتلقين نفسك بمشاكل ونزاعات
0 تصويتات
بواسطة
للامانه ما انصحك تاخذي معدد لكن الانسان خلق ف كبد ما يرتاح لين يجرب ويقول عادي بصير بس لو نجي للواقع راح تتعبي نفسيًا فالافضل انك تفكري ف الموضوع بعقل مو بقلب لان فيه زوجه وفيه عيال وانتي دخيله عليهم ف توكلي وفكري بكل جديه ولا تسمعي لي احد من حولك بذات الي مؤيدين فكرة الزواج اتمنى لك التوفيق
0 تصويتات
بواسطة
ياحبيبتي والله مو المهم الوحده تتزوج ويصير محسوب عليها تزوجت وهي مو سعيده الاهم تتزوجي رجل بمعنى الكلمه هنا والله لو تزوجتيه بعد ٥ سنين بعد لتكوني سعيده بمعنى الكلمه اختاروا صح يابنات
0 تصويتات
بواسطة
اختي شي طبيعي رأي الأغلب بتكون ضد زواجك ، اذا ربي كاتب لك نصيب بتاخذينه سواء من معدد او لا ! وهو توفيق من الله بس اكيد حياة اللي عنده ثنتين يفرق ! ومرات تبتلش الوحده يكونون عندها عيال زوج وتنجبر ع تربيتهم واللي مو قد الأمانه من البدايه تشوف وضعها لأن مرات الوحده تبي زواج وبس وبعدها تندم
0 تصويتات
بواسطة
اذا انتي موظفه ومستقله وعندك اهلك وصديقاتك وحياتك ماينقصك الا رجل تجيبين منه عيال يعني يكونون اضافه و مكمل لحياتك وافقي اذا انتي تبين زوجي طبيعي وحياه طبيعيه وغيوره وماتتحملين وصبرك محدود وحياتك فاضيه وهو محور الكون لاتوافقين
0 تصويتات
بواسطة
اعرفي بالاول سبب زواجه ليكون بيأدب زوجته او عناد فيها واشرطي اذا صار الزواج مايجوو اولادها عندك حتى ماتصير فتنة وحساسيات بسبب امهم
0 تصويتات
بواسطة
لا انصحك ماتتزوجين متزوج اصبري  واكثري من الدعاء في السجود وقيام الليل وكثرة الاستغفار وربي بيفرجها عنك وبيعوضك بمن هو افضل باذن الله كنت مطلقه وعمري اكبر منك وكنت رافضه زوج معدد الحمدالله الله عوضني بزوج مو متزوج من قبل
0 تصويتات
بواسطة
نصيحه لا تفكرين تاخذين متعدد إلا إذا وصل عمرك ٣٤ . ولعلمك انا زوجه ثانيه واضطريت اخذ معدد لما صار عمري ٣٦ والان بينا محاكم ابغى اتطلق العيشه لا تطااااااق الحمدلله على كل حال
0 تصويتات
بواسطة
ليش يا اختي و الله بعده الحياه قدامك و نصيحة اخت اجلسي بدون زواج و لا انك تكوني زوجة ثانية ترا مهما حاول و الله ماراح يعدل حتى لو عدل في الماديات مستحيل يعدل في الشعور انتبهي
0 تصويتات
بواسطة
ترا للحين صغيرة عطي روحك مجال بجيك احسن افضل واذا كلش شوفي سبب زواجه الثاني وشلون واي مراته وهل بينهم مشاكل
0 تصويتات
بواسطة (1.2ألف نقاط)
ماهو هدفك من لزواج ؟
0 تصويتات
بواسطة (300 نقاط)
عُدل بواسطة
انتي مش كبيرة في السن لدرجة انك توافقي على الزواج من أربعيني مزوج و عنده ولاد ، بكل الأحوال تأكدي و إسألي عن حالته و شغله و أخلاقه و معاملته ، و ربنا يختار الأفضل لكي إن شاء الله .

استفسارات متعلقة

36 إجابة
...