في تصنيف استشارات اجتماعية بواسطة

زوجي كان عليه دين كبير ممكن ينسجن كلمت بدون مايعرف ولدعمي وهوكمان طليقي واعطاني المبلغ عن طريق ابوي لكن زوجي عرف من اخوي بعدماسددناالدين وزعلان مني ويقول اني ابي ارجعله وتاركني فبيت اهلي لي شهريقول اخلعيني ماراح اطلق وماني عارفة وش اسوي الرجال تزوج ومطلقني من سنتين ماتوقعت يفكر كذا

25 إجابة

0 تصويتات
بواسطة
عندي تعليق عميق على الموضوع ...

بأعتقادي الكل .. مشارك بالخطأ
من  الزوجه
الى  الزوج
حتى الأب
كيف وشلون وليش تعالووووووا نطرح الموضوع من كل الجوانب ..

ولنبدأ بالزوجة أولاً ..

لكن بعد الصلاااااة الظهر نكمل

لأن نظرات الشباب أتجاهي ..وكأن لسان حالهم
يقولون بنصلي يلا لا تأخرنا
0 تصويتات
بواسطة
ليتك تركتيه يخيس بالسجن غير انه ماطلقك مخليك معلقه وتخلعينه عشان ترجعين له المهر
يقدر يرجع الفلوس لطليقك ويعتبر دينه اخذتيه مفروض يحسن النيه فيك
0 تصويتات
بواسطة
احس تكبير للموضوع بس يختصرها من قاصرها ويرجع الفلوس لطليقك وانتبهي تعيديها مرة ثانيه تفكير الرجال دايما خيانه ما ادري ليش كذا يفكرو
0 تصويتات
بواسطة
هو زعل من الغيره
لأنه يوم ضاقت عليك الوسيعه ماجاء ببالك الا طليقك يفك ازمتكم

خير" تعمل شرا" تلقى
اتركيه لمين يطخ ويبرد
لو مايبيك وعنده كرامه كان رد قيمة الدين بأي طريقه وطلقك
قولي له انا وقفت معك وقفه ماوقفوها اهلك
إذا ماتبيني انت طلق
اما انا ماراح أخلعك
مهب كفو تدفعين فيه ريال
0 تصويتات
بواسطة
اللي سويتيه جريمه لاتغتفر .. لكن
اذا اصر عالخلع او طلق خلي ولد عمك يطالب بفلوسه ..
ترا الهبه تسترد ورجعوه للسجن خلوه ينقع فيه
0 تصويتات
بواسطة
طبعا اذا هو واثق من اخلاق و حب زوجته له واستقامتها وعقلها  ونيتها وابوها الصادقه التصرف السليم كالتالي :
اولا : يشكر زوجته وابوها على حرصهم على مساعدته .
ثانيا : يرجع المبلغ لابوها عشان يرجعه للرجال .
ثالثا : يتصرف ويشوف له احد يسدد دينه وينهي مشكلته
0 تصويتات
بواسطة
تستاهلين الحين تسديد دينه واقف عليك انتي وطليقك ؟ وش هاللقافه! طبيعي تشيلين همه وتدعين له بس ماتتصرفين لهالدرجه من وراه أستغفرالله
0 تصويتات
بواسطة
والله غلطانه ماله داعي يعني مالقيتي غير طليقك أكيد يبي يدخله الشك والوسواس الله يصلحك ويهديك
0 تصويتات
بواسطة
ما دام ابوك في طرف الموضوع
فانتي مجملة اختي وسويتي اللي قليل
احد يسويه ..
واضح عقلك كبير ونفسك طيبة
ومالنا الا الظاهر ..
حافظي على زوجك قدر ما تقدرين
0 تصويتات
بواسطة
ردة فعل... لعلها ما تطول...

تفعل خير وتلاقي ضده.... لكن

امر فعلته وخيرا قدمته... لا يضيق صدرك ولا تنتظر ردة لفعلك الخير...

فربي هو من يجازي..

ولعل الوالد او احد أخوانك يحاول ان يكون واسطة خير

ربي يصلح شانك ويرفع درجاتك
0 تصويتات
بواسطة
مهما كانت النية صالحة ،، تصرفك خطأ ولو فكرتي بالعواقب
لاختصرتي على روحك هذا الهم
الدين مسؤولية زوجك فقط ،، هو من يدبر روحه
ويقتصر مشاركتك له بالدعاء والمساندة
او ان تعرضي عليه المساعدة وكيف ،،،
تصرفك قد ينهي علاقتكم ،، اطلبي من اخوتك ان يتحدثوا معه ويوضحوا نيتك السليمة
0 تصويتات
بواسطة
ماتوقعتي يفكر كذا انتِ تستهبلين من جدك تتكلمين
أول شي نزلتي قيمه زوجك عند طليقك وثاني شي سويتي موضوع يخصه من وراه وهو مايدري ومع من مع طليقك حتى لو انه معروف هالشي يقهر
0 تصويتات
بواسطة
ماعرف ليش بعض الزوجات بتصرفون من ورا ازواجهم ظناً منهم انهم صح!!؟ حتى لو الغرض انك تساعدينه وتشيلين عنه فكره انها من وراه او بالخفا مؤذيه جداً مابالك لما يكون طليقك السابق!! بس طالما قال مابطلقك معناته في امل للرجوع حاولي واسعي وصححي الامر ويارب تهدي الامور بينكم
0 تصويتات
بواسطة
تدرين وش المشكله ان زوجك حساس هو مايهمه كان اى ساعد ولد عمك او طليقك او واحد من الشارع هو الان حاس انه كبريائه انتهى بمساعدتك له ويحس بنقص في رجولته لذلك اخترع سبب هالزعل لذلك خليه وبيرجع لكن طنشيه ممكن رساله واحده تبيني تعال خذني وبس ولا تناقشيه بشئ بعدها ولا تردي عليه يبيك يجيك
0 تصويتات
بواسطة
عشان تعرف انو مافي اي وجه شبه بين الرجل والمرأه ولا يمكن يتساوون في شي شوف وجهة نظرة المرأه ووجهة نظر الرجل
0 تصويتات
بواسطة
لكن من عفانته يقول ماني مطلق اخلعي انتي طمعا في المال ونسي لولا زوجته كان دخل السجن لكن ما نقول الا الله يدي القلوب
0 تصويتات
بواسطة
المرأة تسأل:(أيش أسوي الأن)
يعني:بعد زعل زوجها وتركه لهامعلقة في بيت أهلها
وأغلب الردود تناقش تصرفها السابق
والواجب طرح حلول لمشكلتها الحالية سواء كانت مخطئة في تصرفها السابق أم لا؟
والحل:أن يتكلم والدها مع زوجها ويخيره بين (إمساك بمعروف أو تسريح بإحسان)
وإلا فالمحكمة تلزمه بذلك
0 تصويتات
بواسطة
كيف تطلبين من طليقك دقي عليه واعتذري وقولي اتوب اخر مره  هذا دليل معزتك وحبي لك ماابغى اشوفك مهموم انت نور البيت
0 تصويتات
بواسطة
الحقيقة أنتي غلطانه جداً وهذا التصرف  جرحتي فيه كرامته وقهرتيه أكثر من قهر الدين والسجن،كان لابد تخافي على مشاعرة قبل تخافي عليه من السجن ،كيف تروحي لطليقك وتطلبي منه الفزعه وكأنك تقولي لزوجك هو أفضل منك ،حاول تهدئي غضبه بشرح شعورك تجاهه بكلام طيب  لعل وعسى يسامحك
0 تصويتات
بواسطة
والله ترى ما الومه ما لقيتي الا من طليقك ؟
وبعدين اخوك هذا فضحيه ؟
ردّة فعل زوجك طبيعه خلي واحد من اهلك بتدخل في الموضوع ويقرب وجهات النظر ولا اعتقد يبي يطلع زوجك لو يبي كان طلقك من بدري وموقفك هذا متاكد انه يعني له الشي الكبير شوية صبر واحد يتدخل في الموضوع بينكم.
0 تصويتات
بواسطة
اجتمع عليه غلبة الدين ، وقهر الرجال مسعادة الزوجة في أمور مثل هذه طيبه ولكنها تؤثر في نفس الرجل وشديدة عليه لأنها من مسؤولياته، ايضاً الغيره أو اسوء منها الشك بمساعدة طليقك زادت الطين بلة، والأمر قد يكون له جوانب أخرى لا نعلمها ، أخيراً الزوجة عليها استأذن زوجها في مثل هذه الأمور
0 تصويتات
بواسطة
الشهيد من اهل الجنه بس ان عليه دين مربوط بسداده.... وهي خافت عليه في آخرته اكثر من حياته دليل حبها له وعلشان تعرف حالة أهلها كلمة من هو لها، ودام فيها تواصل معه ابوها هذا يكفي وزوجها يبي انها تعتذر له علشان مايبي يطلق وقالها اخلعني من حبه لها... اعتذار منها يرجع لها.. وهذا مقصده
0 تصويتات
بواسطة
مرات التصرف يكون جميل..لكن الإشكالية تكونرفي طريقة إتيانه
القرآن يقول(وأتوا البيوت من أبوابها)
قاعدة عامة في ان الانسان إذا أراد نجاح امره فليأته من بابه.
كان لابد تستشيري فيه زوجك قبل تتصرفي.لانرالموضوع له ابعاد اجتماعية بين الطرفين.
عمومًا..
فهمي زوجك الموضوع بوضوح.
ولاتتعجلي
0 تصويتات
بواسطة
الخطاء انك طلعتيه من السجن وسددت دينه فقط.اكبر خطاء ترتكبه الزوجة في حق نفسها انها تتدين لتسديد دين زوجها .حتى لو اخذت من اخوك وسددت عنه وطلبتيه يرده ماحيرده وتصير مشاكل بسبب مطالبتك بها .والنهاية الطلاق او المشاكل .كونك اخذت من طليقك خطا لكن ليس اساس المشكلة
0 تصويتات
بواسطة
الغلط عليك ذليتي زوجك بدون ماتحسين خصيصا انه طليقك وكان في الف طريقه وطريقه بس في جانب ايجابي من الموضوع وانك فكيتي ازمه وهو المفروض يقدرلك ذا الشي ويكون زعل واعتذار وينتهي الموضوع بس كبر السالفه ويبي فلوس الخلع، انصحك اقعدي ببيت اهلك وعيشي حياتك وهو اذا طفش بيطلقك

استفسارات متعلقة

3 إجابة
كُتِب فبراير 19 في تصنيف استشارات زوجية بواسطة Sasa (120 نقاط)
...